Read Kambera 2 LII NDAI 16 Bible Online

2 LII NDAI 16 - Kambera bible

2 LII NDAI 16

¹La patailu kambulu nomu wàna na ndaungu pareta-na i Aha la Yahunda, i Mbaeha hanganji Ihirailu na-kangaburu-ya la Yahunda dàngu na-pakapingatu-ya na paraingu Rama ka bitanya na ànda luhu na ànda tama la Yahunda.

²Tàka i Hanganji Aha hi napiti àmahu marara mabara welingu la Umana i MIRI dàngu la uma hanganji, hàla hi na-pangàndi-nja la Ndamàhiku lai Mbenihandàtu hanganji Hiria ba na-pakaria-nya lii langu,

³“Màlawa ka ta-panua-nya na pa-ariyangu-nda hama tuna ba tuda nu da amanda. Na karia-na yiana ku-pangàndi-nggau àmahu marara mabara da pawotu-nggunggau, dàngu kunggeli-kau kau botaya na pa-nuangu-mi dàngu i Mbaeha hanganji Ihirailu, ka peku yila beli-nanja da pambana welingu la tana ngabanggu,” wàna.

⁴I Mbenihandàtu na-oranya na lii langu pa-pangàndi-na i Aha, hàla paràha-nanjaka da parawira-na lupa da pamba tanatara-da hi da-kangaburu-ha da paraingu la Ihirailu, hi datalu-ha la Iyungu, Ndàngu, Ambilu-Mbetu-Maaka dàngu mbuu ndàbada da paraingu pangia bàlangu la Nàputali.

⁵Ba narongu-yaka nuna i Hanganji Mbaeha, manjabili-nanyaka la pa-kapingatu-ya la Rama dàngu dunjaku-nanyaka nuna na paraingu.

⁶Hàla i Hanganji Aha hi na-dundilu-ya mbuu ndàbana na tau Yahunda la pa-palaü-nja da watu da ai da pawàna i Mbaeha la Rama la pa-kapingatu wànya nuna na paraingu. Nuda nu jia-haka da pawàna i Aha la pa-kapingatu-ha da paraingu Nggemba dàngu Mihipa.

⁷La rehi nu mai-nanyaka i Wunangu Hanani lai Hanganji Aha hi napanii-nya, “Ba ngaha-muka nyumu pa-handera la hanganji Hiria, dàngu ba ndia-apa lai MIRI Alamu, nu nda ningu-apa pekuna nyumu la patalu-ya na pamba tanatara Ihirailu.[10]

⁸Màla na Hundangu dàngu na Limbia nda ningu nu kanguhuru pabera ma-kanjupu dangu ba nadangu da kareta pabera-na dàngu tanatara li la njara? Ba tuna i MIRI nawua-nggau patalu wàmunja nyuda, nadu ba lai Nyunadu mu-handera ningu.

⁹I MIRI hamata hàla-mananya la nggubulu pinu tana la pa-wuangu-ya na màkana la tau na ma-tuturu lai Nyuna. Manduba-yaka nu na pahada ngàndimu nyumu, jia-duyaka piti welingu nàhu hunggu mànu-munyaka pabera,” wànanya.

¹⁰Nuna na papanii-na na Wunangu Hanani pa-mbumbaru wàna-nyaka na mbenina i Aha, hi lupa na-patama-nya na wunangu la uma kapàtangu. La rehi nunambu nyuna i Aha ba na-kapidihu-ha ba tau mapira-ha welingu la rayatu-na.

¹¹Mbuu ndàbada da matumbu la dalu pareta-na i Aha piti welingu la pakiri-na lundu la kanjupu-na ni-manjaka daa da pa-tulihu la Mbuku Lii Ndai Rukuda da Hanganji Yahunda dàngu Ihirailu.

¹²La ndaungu pa-tailu kambulu hiwa wàna kandai pareta-na nyuna, i Aha handauni-nanyaka hidu pa-dàkangu la wihina hapungu - hapungu. Jiapa-kadu ka tuna nu nda nahimbu-a pa-ndulangu lai MIRI, tàka jiahai da mapingu muru.

¹³Palàngangu-ka dàmbu ndaungu meti-madua-nanyaka.

¹⁴Na metina patungu rungu pa-pakorungu-ya dàngu mambii kati hangia - hangia, hàla hi taninya la reti maràmba la Paraingu-na i Ndautu. Nu ka tembi wànya ba wàna na-rayatu hi paroka-ya na pabundu epi na mambana bokulu-na.