Read Kambera EHIRA 1 Bible Online

EHIRA 1 - Kambera bible

EHIRA 1

¹La ndaungu kawunga pareta-na i Korihu na maràmba Perihia,[1] pahàra-nanyaka paraïna i MIRI na pambàda paniina la ngaruna na Wunangu Yerimia. I MIRI najuju-ya na etina i Korihu ka na-wuangu huratu pareta, ka mbahaya la nggubulu pa-hanganji-naka. Nuna na pareta tuna nu na linguna,

²“Yiana-ya na pareta-na i Korihu na maràmba Perihia. I MIRI na ma-mandapu-nya na awangu, nawotu-kaka pa-maràmba-nya na pinu tanaka, dàngu nawua-ngga wai ngaba la pawulu-nya Umana la Yeruhali, la tana Yahunda.

³I MIRI ka naopa àrunggai nyimi mbuu ndàbami banjaru-na. Lupangu-ka bàdi ibeli la Yeruhali dàngu kai wulu beliya na Umana i MIRI, Ala tau Ihirailu, na Ala na ma-ngiangu la Yeruhali.

⁴Jàka ningu haàtu la banjaru-na lai yiahu la tana ngia pa-tanawangu, ndula-kika bàdi ka peku belinggu na mawàna, da angu kotaku-na dandula-maya bàdi. Dawua-manyaka bàdi àmahu bara dàngu àmahu rara, bàlangu la ànda, hamanai banda pa-pabukungu wàngu, dàngumbu da pahunggu ndumana na Umana i MIRI la Yeruhali,” wàna.

⁵Ba tunaka nu da ngora banjaru welingu la kabihu Yahunda dàngu kabihu Mbanyamingu, da ratu dàngu da tau la kabihu Lewi, dàngu na ta - tauka na pajuju-na eti paraïna i Ala, kamomatu-danyaka la pabeli la Yeruhali, ka wulu beliya na Umana i MIRI.

⁶Mbuu ndàbada da angu kotaku-da da-pandulangu-mbu ba da-wuangu ngga - nggàra, hama tuna kanaingu àmahu bara dàngu àmahu rara, bàlangu la ànda, banda pa-pabukungu wàngu, malanja dàngu banda hawiangu-kai dàngumbu da pahu - hunggu la Umana i MIRI.

⁷Nyuna i Korihu na-paluhu-ha da moku dàngu da kaba wai da pawàngu àmangu la Umana i MIRI la Yeruhali. Nuda da kanaingu papiti rambana na maràmba Nembukatunehàru-ha hi natuha la umada da marapu wikina.

⁸I Korihu na-huharu-nja nuda da banda lai Mitirendàtu, na ngora paloku banda pareta. Hàlaka, nyuna i Mitirendàtu natuha la huratu nuda da banda ndumana i Hehimbahàru na nggumbunuru Yahunda.

⁹Yiana-ya na huratu-da: da moku àmahu rara pawotu wàngu hunggu — 30-da da moku àmahu bara pawotu wàngu hunggu — 1.000-da da moku hawiangu — 29-da da moku kudu àmahu rara — 30-da da moku kudu àmahu bara — 410-da da kanaingu hawiangu — 1.000-da

¹¹Nggubulu-da 5.400-da da moku àmahu rara dàngu àmahu bara dàngu da banda hawiangu-ka. Mbuu ndàbada nuda nangàndi-ha paraïna i Hehimbahàru ba da-hadangu welingu la Mbambilu palaku la Yeruhali, nyuna dàngu hawiangu da tau tanawangu.