Read Kambera EHIRA 8 Bible Online

EHIRA 8 - Kambera bible

EHIRA 8

¹Yiana-ya na huratu-da da ngora banjaru da pa-tanawangu la Mbambilu da mabeli karia-ngga la Yeruhali, ba maràmba pareta-ya i Àratahàtahu:

²i Nggerihomu, welingu la kaloka uma Pineha i Ndanialu, welingu la kaloka uma Itamàru i Hatuhu anana i Hakanya, welingu la kaloka uma Ndautu i Hakaria, welingu la kaloka uma Paruhu dàngu da 150 tau mini welingu la kaloku umada (ningu huratu ruku dedida) i Eliyowinai anana i Haràhaya, welingu la kaloka uma Pahàtu-Muapu, dàngu da 200 tau mini i Hakanya anana i Yahahialu, welingu la kaloka uma Hatu,[13] dàngu da 300 tau mini i Embitu anana i Yunatàngu, welingu la kaloka uma Andingu, dàngu da 50 tau mini i Yahaya anana i Atàluya, welingu la kaloka uma Elàmu, dàngu da 70 tau mini i Hambanja anana i Mikayilu, welingu la kaloka uma Hapaha, dàngu da 80 tau mini i Ombanja anana i Yahialu, welingu la kaloka uma Yuàpu, dàngu da 218 tau mini i Halomitu anana i Yuhipuya, welingu la kaloka uma Mbani,[14] dàngu da 160 tau mini i Hakaria anana i Mbembai, welingu la kaloka uma Mbembai, dàngu da 28 tau mini i Yuhanàngu anan(...)

¹⁵Mbuu ndàbada da kalikapu ku-pamàtu-ha la hingi luku na ma-lulungu la parai Ahawa, hi matodu tailu mbua lodu lai nu. Ba kuhàla-ka panjanga-ha, kuhunggu ratu la njongada, tàka nda haàtu-a welingu la kabihu Lewi.

¹⁶Hi ku-paaungu tau mahiwa welingu la liku uru, jia-duhaka: i Eliyehiru, i Arialu, i Hamaya, i Elinatàngu, i Yaripu, i Elinatàngu, i Natàngu, i Hakaria, i Mahulàmu, dàngumbu tau madua ngguru, jiaha i Yuyaripu dàngu i Elinatàngu.

¹⁷Tunaka nu hi ku-palewa-ha palua tomaya i Indu, nu ngora panggolu la Kahipuya, la pa-kamahi-nya màtawa i Indu dàngu da angu ràma-naka la Umana i MIRI ka da-palewa-nggama tau ma-lumungu la Umana i MIRI.

¹⁸Ruku màja etina i Ala, na-palewa-nggamanya i Haripuya, na tau Lewi ma-manggàna welingu la kaloka uma Màhali. Karia-na nyuna damaimbu da anana dàngu da angu dedina ba hakambulu mawalu[15]-ha.

¹⁹I Hahapia dàngu i Yahaya welingu la kaloka uma Marari, dàngu dua kambulu-ha da anada dàngu da angu dedida da-palewa-mbu nggamanja.

²⁰Hinggilu-da nyuda ninjapa 220-da da tau maràma la Umana i MIRI maningu tamuda la huratu. Da boku la mangilu-da pawua-na i Maràmba Ndautu dàngu da ama bokulu la pareta, ka da-pambapa dànja da tau Lewi.

²¹La hingi Luku Ahawa ku-bobaru-ya, mbuu ndàbana na tau ka narotu wikina dàngu ka na-pawawa la hanggana i Ala. Ma-hamayangu ka na-kapipi-kama i Ala la ngarangia, dàngu ka namangga-nggama nyuma, da anama dàngu mbuu ndàbada da mangu-maka.

²²Ku-makia pakarai tanatara lii la njara la maràmba ka damangga-nggama la ngarangia welingu la muhu. Ba mbàda panii-dunggu-nyaka, na Alama na-pakanyuru-ya na tauka na mawaiya tàka hi na-karaü-nya eti dàngu nahuku-nya na tauka na manda tuturu lai Nyuna.

²³Rotu-manyaka wikima dàngu ma-hamayangu lai Ala, ma-kamahi-nya ka namangga-nggama hi na-kataku-ya na hamayangu-ma.

²⁴Welingu la ratu ma-pangora kupindi hakambulu madua: i Haripuya, i Hahapia dàngu da ma-hakambulu-da.

²⁵Tunaka nu hi kutimba-nja àmahu bara, àmahu rara dàngu kanaingu pa-pandulangu wàna na maràmba, da ama bokulu, da ma-pangora dàngu mbuu ndàbada da tau Ihirailu da pa-pandumangu la Umana i MIRI. Mbuu ndàbada nuda ku-pakata-nja da ratu.

²⁶Yiada-ha da huratu-da da pa-pandulangu wàngu: àmahu bara — — — 22 tònguda 100 kanaingu àmahu bara — — — 70 kiluda àmahu rara — — — 3.400 kiluda 20 moku àmahu rara — — — 8,4 kiluda 2 moku parunggu mahàmu halawàla, ma-pawili moku àmahu rarangu

²⁸Kupanii-nja da ratu, “Nyimi mbuu ndàbami paleha-kai ndumana i MIRI, na Ala palumu-da da boku la mangilu-nda, hamanai da kanai àmahu bara dàngu àmahu rara da-pahunggu lai MIRI, paleha-mahaka ndumana i MIRI.

²⁹Mangga pahàmu-nja lundu tàkami la Umana i MIRI. Jàkai tàkaka lai nu lupangu-ma itimbanja nuda da banda, hàlaka kai wuanja da ngora ratu, da ngora tau Lewi dàngu da ngora tau Ihirailu la Yeruhali,” wànggunja.

³⁰Da ratu dàngu da tau Lewi dakeiha da àmahu bara, da àmahu rara dàngu nuda da kanaingu ka ngàndiha la Umana i MIRI la Yeruhali.

³¹La tànggalu hakambulu dàmbu kawunga wulangu, hadangu-manyaka welingu la Luku Ahawa hi malaku la Yeruhali. Nu la lakuma namangga-nggama paraïna na Alama welingu la nggupulu-nanggama dàngu la hàndana-nggama muhu,

³²ba matàka-ka la Yeruhali, ma-hangahu tailu mbua lodu mandaina.

³³Tunaku nu, la lodu papatu wàna lua-manyaka la Umana i MIRI, hi matimba-nja da àmahu bara, da àmahu rara dàngu da kanaingu. Hàlaka hi mawua-ha lai Ratu Maremutu anana i Uria, angu-mada i Eliahàru anana i Pineha dàngu da madua tau Lewi, nu i Yuhambàtu anana i Yehua dàngu i Nuanja anana i Mbinui.

³⁴Mbuu ndàbada nuda padiha dàngu pa-timbangu-ha, hi tuu ndàbaha la huratu.

³⁵La lodu nuna mbuu ndàbana na tau mabeli welingu la tanawangu, dawotu kameti maraku patunu lai Ala Ihirailu. Dawotu 12 ngiu hapi mini nduma mbuu ndàbana na tau Ihirailu, 96 ngiu mbimbi mini dàngu 77 ngiu ana mbimbi; hinggilu-da nuda 12 ngiumbu kamàmbi da kameti maraku jàmangu njala nduma wikida nyuda. Mbuu ndàbada nuda da banda patunu-ha pa-maraku wànya i MIRI.

³⁶Tàka na huratu ndokumenu pawua-nanja na maràmba hi patàka-nja da nggumbunuru dàngu da mapawai ngaba la pareta la porupinihu Epuràtu Patama Lodu. Tàka da mapawai ngaba hi da-pandulangu nu la banjaru ka na-panaingu na lumungu-da la Umana i MIRI.