Read Kambera NAHEMIA 11 Bible Online

NAHEMIA 11 - Kambera bible

NAHEMIA 11

¹Da liku uru da-ndàdiku la Yeruhali, da rayatu datuu undi la papindi hau kuru uma welingu la nimbihu hakambulu kuru uma da ma-ngiangu la Yeruhali-ma bàdi na parai matua. Da panda nggàna pindi peku-mada pa-ngiangu la parai - paraingu hawiangu.

²La hongada nyuda ninguma ma-mbuhangu pa-ndàdiku pangalangu la Yeruhali, hi nawotu-nja paraï rayatu.

³La parai - paraingu hawiangu, na rayatu Ihirailu, da ratu, da tau Lewi, da maràma la Umana i MIRI, dàngu da wàla wua tau malumu-nya i Halomu da-ndàdiku la tana manguda dàngu la parai wikida.

⁴Ba mapira-ha da tau welingu la kabihu Yahunda dàngu Mbanyamingu da-ndàdiku la Yeruhali. Yiada-haka da tamuda: Da anggota kabihu Yahunda: I Ataya anana i Uhia, umbuku-na i Hakaria. Ba mapira-ha la hongada da boku la mangilu-da yiada-ha: i Amària, i Hapaha dàngu i Mahalaleyilu, i Perihu, i Yahunda. Tau 468-ha dàngu da kaborangu-ma. I Maaheya anana i Mbaruku, umbuku-na i Koluhohi. Ba mapira-ha hawiangu da boku la mangilu-da jiaha: i Hahaya, i Andaya, i Yuyaripu, i Hakaria, i Hiyela, i Yahunda.

⁷Da anggota kabihu Mbanyamingu: I Halu anana i Mahulàmu umbuku-na i Yowitu. Ba mapira-ha welingu la boku la mangilu-da jiaha: i Pandaya, i Kolaya, i Maaheya, i Itialu dàngu i Yahaya. I Nggambai dàngu i Halai. Nyuda kalembi tubana[17] i Halu-ha. Tau 928-ha danguda mbuu hàlada da pa-kapipi-na

⁹i Yoilu anana i Hikiri, dàngu na wakilu-na, i Yahunda anana i Hahinua.

¹⁰Da ratu: I Yandaya anana i Yuyaripu dàngu i Yakingu. I Haraya anana i Hilikia, umbuku-na i Mahulàmu. Ba mapira-ha welingu la boku la mangilu-da jiaha: i Handuku, i Marayutu, i Ahitupu na manjadi Ratu Bokulu.

¹²Nggubulu-da 822-ha da ratu da ma-paloku la Umana i MIRI. I Andaya anana i Yerohàmu, umbuku-na i Palaya. Ba mapira-ha da boku la mangilu-da jiaha: i Àmuhi, i Hakaria, i Pàhuru dàngu i Màlakia.

¹³Da kapala kuru uma la kalibaru nu tau 242-ha danguda. I Amahai anana i Ahareyilu, umbuku-na i Àhahai. Da boku la mangilu-da hawiangu jiaha: i Mehilemutu dàngu i Imiru.

¹⁴La kalibaru yiana ninja 128-ha da ma-kaborangu. Na liku uruda jiaya i Hàpundialu, anana i Nggandolimu.[18]

¹⁵Da tau Lewi: I Hamaya anana i Hahupu, umbuku-na i Àharikàmu. Hawiangu da boku la mangilu-na jiaha i Hahapia dàngu i Mbuni. I Hambitaï dàngu i Yuhambàtu, da tau Lewi pangora jiaha da ma-hamata paihiku-nya na paràma la hambeli Umana i MIRI. I Matanya anana i Mika, umbuku-na i Hambandi, welingu la wàla wuana i Ahawàpu. Nyuna ma-kapipi-ha da maludu hamaya pa-malangu-ngu. I Mbàkumbukuya jiaya na wakilu-na i Matanya. I Àpanda anana i Hamua, umbuku-na i Nggalàlu, welingu la wàla wuana i Yendutungu. Mbuu ndàbada 284-ha danguda.

¹⁹Da madai pindu bokulu: I Akupu, i Tàlumungu dàngu da angu ràmada. Mbuu ndàbada 172-ha danguda.

²⁰Da tau Ihirailu, da ratu dàngu da tau Lewi hawiangu da-ndàdiku la tanada la parai - paraingu Yahunda-ka.

²¹Da tau maràma la Umana i MIRI da-ndàdiku la nua paraingu Yeruhali ma-tamungu Opilu. Nyuda daràma la limada i Hiha dàngu i Nggipàhu.

²²Na ma-tanara-ha da tau Lewi da ma-ndàdiku la Yeruhali jiaya i Uhi anana i Mbani, umbuku-na i Hahapia. Hawiangu da boku la mangilu-na jiaha i Matanya dàngu i Mika. Nyuna kalibaru Ahawàpu-mbuya na mawai ngeranya pa-paloku-ha da malingu pambabu wàngu la lodu lumungu la Umana i MIRI.

²³Na pa-ndàkingu-da da nimbihu kalibaru la pa-paloku malingu pambabu wàngu nimbihu lodu la Umana i MIRI, pa-pamàndu-nya la pa-namatu-nya na kalaratu maràmba.

²⁴I Patahia anana i Mehihambeyilu ma-welingu la kalibaru Njera dàngu kabihu Yahunda, jia-yaka na mangaru-nya na tau Ihirailu la uma maràmba Perihia.

²⁵Nadangu na rayatu ma-ndàdiku la paraingu ma-mareningu wokada. Ba mapira-ha da tau Yahunda da-ndàdiku la ngaba njongana na Mbiruhemba na mbara luruna dàngu na Lolangu Hinumu na mbara diana. Dangia-nja yiada da paraingu dàngu da ndeha la winggiru-daka: La Kiriyàtu-Àramba, Ndimbungu, Yakàpuheyilu Yehua, Molanda, Mbetu-Pelitu Hahàru-Hualu, Mbiruhemba Hikulàku, Makona Eni-Rimungu, Hora, Yàramutu, Hanua, Andulàmu, Aheka, Lakihu.

³¹Ba mapira-ha da tau la kabihu Mbanyamingu da-ndàdiku la Nggemba, la Mikumàhu, la Aï, la Mbetilu dàngu la nde - ndeha lihida,

³²la Anatutu, la Nòpu, la Ananya,

³³la Hahuru, la Rama, la Nggitaïmu,

³⁴la Handitu, la Hamboingu, la Nembalàtu,

³⁵la Lòtu, la Onu dàngu la Lola Tukangu.

³⁶Ba mapira-ha da kanguhuru tau Lewi da ma-ndàdiku la tana Yahunda la mangilu-na, pa-paràhangu-ha pa-ndàdiku dànja da tau Mbanyamingu.