Read Kambera NAHEMIA 3 Bible Online

NAHEMIA 3 - Kambera bible

NAHEMIA 3

¹Yiana-yaka na pa-patàkangu nggiki hamana ba pahàmu-ya na paraingu Yeruhali.[4] I Ratu Bokulu Eliyahipu dàngu da angu ràmana da-pahada belinya na Pindu Bokulu Mbimbi, datuha da ndàbi pindu hi da-katua-ya lai MIRI. Da-pahàmu-ya dàngu da-katua-ya na kangeli lupa tàka la Lewatu Hangahu paràpangu la Lewatu Hananeyilu.

²Hinggilu-da nu da ratu, yiada da tau da patiki pandutu - ndutunda, da-pahàmu-ya na kangeli paraingu hamanai da pindu bokulu dàngu da lewatu-daka. Jia-duhaka yiada: Da tau Yeriku I Hakuru anana i Imiri Na kalibaru Hanaà: na Pindu Bokulu Iyangu dàngu da patenga-na, da ndàbi pindu, da habàtalu dàngu da kahoru pindu. I Maremutu anana i Uria, na umbuku-na i Hakuhu. I Mahulàmu anana i Mberikia, na umbuku-na Mehihambeyilu. I Handuku anana i Mbaana Da tau Takua (da ma-pangora la paraingu nuna nda da-mbuhangu-a la pa-paràma tau atangu). I Yuyanda anana i Pahia dàngu i Mahulàmu anana i Mbihonja: Pindu Bokulu Yehianya[5] dàngu da patengangu, da ndàbi pindu, da habàtalu dàngu da kahoru pindu. I Melaha ma-welingu la Nggimbiungu dàngu i Yandungu ma-welingu la Maronutu. Da tau Nggimbiungu dàngu da tau Mihipa: na kangeli ma-paràpangu la umana na nggumbunuru Epuràtu patama lodu. I Uhialu, na matuku àmahu, anana i Hàrahaya. I Hanan(...)

¹⁷Hawiangu da kangeli nuada da-pahada-nja paraï da tau Lewi da patiki pa-ndàkingu: I Rehumu anana i Mbani I Hahapia, ma-kawaha-ya na hahupu kaloka pareta la Kahila: da kangeli la ngaba kaloka pareta-na. I Mbinui anana i Henandàtu, ma-kawaha-ya na hahupu kaloka pareta la Kahila. I Ehiru anana i Yehua, ma-kawaha-ya la Mihipa: na kangeli la kabihu ànda la hangga uma pangia madàka. I Mbaruku anana i Hambai: na-pahada-nya na kangeli welingu la kabihu ànda pa-ràpangu la pindu umana na Ratu Bokulu Eliyahipu. I Maremutu anana i Uria, umbuku-na i Hakuhu: na-pahada-nya na kangeli welingu la pindu umana i Eliyahipu pa-ràpangu la hupu uma nuna.

²²Da kangeli da mandedi hàmu, da-pahàmu-ha paraï da ratu da patiki pandàkingu yiada: Da ratu da ma-ndàdiku lihinya la Yeruhali. I Mbanyamingu dàngu i Hahupu: na kangeli la hangga umada. I Aharia anana i Maaheya anana i Ananya: na kangeli la lihi umana. I Mbinui anana i Henandàtu: na kangeli welingu la umana i Aharia pa-ràpangu la kabihu kangeli. I Palàlu anana i Uhaï: na kangeli welingu la kabihu kangeli dàngu la dita lewatu uma maràmba la lihi ngia padai. I Pandaya anana i Paruhu: na kangeli pa-ràpangu la hangga Pindu Bokulu Wai la pahunga lodu dàngu la lewatu padai wànya na Umana i MIRI. (Nda nggi tuu marauna welingu lai nu ninya na pangia na ma-tamungu Opilu, ngia pa-ndàdiku-da da tau da maràma-ya na Umana i MIRI.)

²⁷Da kangeli la nuada da-pahàmu-ha paraï da tau yiada da patiki pa-ndakingu: Da tau Takua: na kangeli la hangga lewatu padai wànya na Umana i MIRI pa-ràpangu la kangeli la ngabana la Opilu. Da ratu da-mandàdiku lihinya na Pindu Bokulu Njara: na kangeli la tuba umada nyuda nimbihu-da piti welingu lai nu la pindu bokulu pa-ràpangu hu dia. I Handuku anana i Imiru: na kangeli la hangga umana. I Hamaya anana i Hakanya, madaiya na Pindu Bokulu pahunga lodu: na kangeli la hangga umana. I Hananya anana i Helimia dàngu i Hanungu anana i Halàpu na panomu wàda. I Mahulàmu anana i Mberikia: na kangeli la hangga umana. I Màlakia, na matuku àmahu rara: na kangeli ma-paràpangu la uma ngia patodu-da da tau maràma-ya na Umana i MIRI dàngu da umada da tau danggangu la hangga Pindu Bokulu Mipikàtu,[6] hi lundu la lihi kuru dita la kabihu kangeli la ngaba pahunga lodu mbara dia. Da tau tuku àmahu rara dàngu da tau danggangu: na panjàpu wàna na kangeli, pakiringu la kuru(...)