Read Kambera NAHEMIA 7 Bible Online

NAHEMIA 7 - Kambera bible

NAHEMIA 7

¹Ba hàlaka pa-pahada-nya na kangeli, hi ku-paràhangu pawotu-ha da ndàbi pindu. Da madai pindu bokulu, da maludu dàngu da tau Lewi, hi ku-paràha-nja pa-palaku-ya na paràma-da haàtu - haàtu.

²Na pareta la paraingu Yeruhali ku-payàpa-nya la angu dedinggu i Hanani dàngu lai Hananya, na ngora tànatara la ngia pa-torungu, maa ba marihi-duya nyuna welingu la tau hawiangu la pa-mangàdatu-nya i Ala dàngu tau pa-monungu-ya.

³Ku-panii-nja, “Jàka na-handaraku-ka na lodu hinaka hi peku la pa-bunggahu-ya na pindu bokulu-na na paraingu Yeruhali dàngu hi bita beli-manyai dàngu wotuha da kahoru pindu ba ndedipa da-pànjangu paràma la malingu da madai paraingu. Hinggilu-nai nu lupangu-ma ba pindi tau ma-rimangu welingu la honga tau mangia-nya la Yeruhali, hawiangu da-rimangu la ngia padaida, hawiangui danjada winggirungu umada,” wànggunja.

⁴Na paraingu Yeruhali na-nggailaru tàka hawutu-anai na tau na mangia-nya, dàngu da uma da pawulu ndedimbui dadangu.

⁵Jia ba tuna ka puru peka-nanggaka i Ala la pa-pauhi-nya na rayatu hamanai da liku uru dàngu da ma-pangora, ka peku diha-nggunja pa-namatu-nya na huratu ruku dedi. Nu ka hunggu-nggunyaka na pa-tulihu rukuda da tau da ma-kawunga tàka welingu la ngia pa-wàrungu-ha. Yiada-haka da lii kaloka da pahunggu-nggu.

⁶Nadangu na tau la honga tau tanawangu da matuu kajia-ya na porupinihu Mbambilu, hi dabeli la Yeruhali dàngu la Yahunda, la parai wikida haàtu - haàtu. Mandai-madaka paluri la ngia pa-wàrungu-ha la Mbambilu, pakiringu ba ngàndiha lai nu ba na-tanawa-nja paraïna i Nembukatunehàru.

⁷Da liku uruda jia-duhaka i Herumbambilu, i Yehua, i Nahemia, i Aharia, i Raàmuya, i Nahamani, i Morundikaï, i Mbiluhàngu, i Mihiperitu, i Mbikiwai, i Nehumu dàngu i Mbaana.

⁸Yiada-haka da tamu kalibaru-da da tau Ihirailu, hamanai na danguna na tau la hau - hau kalibaru da mabeli welingu la tanawangu: Paruhu — — — 2.172 Hapaha — — — 372 Aràku — — — 652 Pahàtu-Muapu (wàlada i Yehua dàngu i Yuàpu) — — — 2.818 Elàmu — — — 1.254 Hatu — — — 845 Hakai — — — 760 Mbinui — — — 648 Mbembai — — — 628 Àhanggàtu — — — 2.322 Andunikàmu — — — 667 Mbikiwai — — — 2.067 Andingu — — — 655 Atiru (Hihikia wàda-nyakai) — — — 98 Hahumu — — — 328 Mbehai — — — 324 Haripu — — — 112 Nggimbiungu — — — 95

²⁶Da maboku la mangilu-nja da tau da mangia-nja yiada da paraingu dabeli-mbuha welingu la tanawangu: Na paraingu Mbetulehimu dàngu Netopa — — — 188 Anatutu — — — 128 Mbetu-Àhamawitu — — — 42 Kiriyàtu-Yiaarimu, Kepira dàngu Mbaerutu — — — 743 Rama dàngu Nggamba — — — 621 Mikumàhu — — — 122 Mbetilu dàngu Aï — — — 123 Na Nembu hau — — — 52 Na Elàmu hau — — — 1.254 Harimu — — — 320 Yeriku — — — 345 Lòtu, Handitu dàngu Onu — — — 721 Hanaà — — — 3.930

³⁹Yiada-haka da huratu kalibaru-da da ratu da mabeli welingu la tanawangu: Yandaya (wàla wuana i Yehua) — — — 973 Imiru — — — 1.052 Pàhuru — — — 1.247 Harimu — — — 1.017

⁴³Da kalibaru tau Lewi da mabeli welingu la tanawangu: Yehua dàngu Kàtumialu (wàla wuana i Hondewa) — — — 74 Da ma-katangu malingu pambabu wàngu la Umana i MIRI (wàla wuana i Ahawàpu) — — — 148 Da madai pindu Umana i MIRI (wàla wuana i Halumu, i Atiru, i Tàlumungu, i Akupu, i Hatita dàngu i Hombai) — — — 138

⁴⁶Yiada-haka da huratu-da da kalibaru-da da maràma la Umana i MIRI, da mabeli welingu la tanawangu: i Hiha, i Hahupa, i Tambaütu, i Keruhu, i Hia, i Pandungu, i Lembana, i Hanggamba, i Hàlamai, i Hanàngu, i Nggindàlu, i Nggahàru, i Reaya, i Renjingu, i Nikonda, i Nggahàmu, i Uha, i Pahia, i Mbiahai, i Miaunimu, i Nepuhimu, i Mbàkumbuku, i Hakupa, i Hàruhuru, i Mbàhalitu, i Mahinda, i Hàraha, i Mbàruku, i Hihera, i Tema, i Nehia dàngu i Hatipa.

⁵⁷Da kalibaru-da da malumu-nya i Halomu da mabeli welingu la tanawangu: i Hotaï, i Hoperitu, i Parinda, i Yaala, i Ndàrukungu, i Nggindàlu, i Hapaha, i Hatilu, i Pukuheritu-Hahimbaïmu, i Amungu.

⁶⁰Nggubulu-da da wàla wuada da maràma la Umana i MIRI dàngu da malumu-nya i Halomu da mabeli welingu la tanawangu 392-ha danguda.

⁶¹La honga tau da ma-hadangu welingu la paraingu Talu-Mila, Talu-Hàraha, Kerupu, Andungu, dàngu Imiru, tau 642-ha da matama la kalibaru Ndalaya, Tombia dàngu Nikonda; tàka nda da-ngalangu-a pa-paloha-nya ba wàla wua tau Ihirailu-ha.

⁶³Ningumbu kuru uma ratu manda hungguha da huratu ruku boku la mangilu-da. Da kuru uma nuda jiaha i Hambaya, i Hakuhu dàngu i Mbàrahilaï. (Na haàtu na boku la mangilu welingu la kuru uma ratu Mbàrahilaï na-kanoma nua kabihu Mbàrahilaï la Nggiliatu, hàlaka hi natama la tamu kuru uma ama yerana.) Ba nda da-ngalangu-pa pa-paloha-nya nggamuya na boku la mangilu-da, ka nda napeku-a pa-kataku-ha la panjadi ratu.

⁶⁵Na nggumbunuru Yahunda nahiri-nja panganja da pangangu pa-maraku wàngu lai Ala, hi lupa ningu haàtu ratu na ma-paàra wàngu Urimu dàngu Tumimu[13] lai MIRI.

⁶⁶Da tau tanawangu nggubulu-da da mabeli la paraida 42.360-ha danguda. La hambeli-da nyuda dabeli-mbuha da tau da mandula-ha paràma ba 7.337-ha danguda hamanai da tau ludu ba 245-ha danguda. Dangàndi-mbuha da ba - banda-daka, jiadu-haka: Da njara — — — 736 Da mbanggàlu — — — 245 Da ota — — — 435 Da kalandai — — — 6.720

⁷⁰Nadangu-ma na rayatu na ma-wuangu hunggu ka pa-halimu-ya na ràmaya na Umana i MIRI: welingu lai nggumbunuru — — — 8 kilu àmahu rara — 50 moku nduma ba wunda lii — 530 mbàla kalembi malai ratu welingu la ngora kalibaru — — — 168 kilu àmahu rara — 1.250 kilu àmahu bara welingu la ta - tau hawiangu — — — 168 kilu àmahu rara — 140 kilu àmahu bara — 67 mbàla kalembi malai ratu

⁷³Da ra - ratu mbuu ndàbada, da tau Lewi, da madaiya na pindu bokulu Umana i MIRI, da maludu, dangumai ma-pawelingu la rayatu, da maràma la Umana i MIRI, na kababa-na mbuu ndàba biana na rayatu Ihirailu, da-ndàdiku pa-daingu la para - raida dàngu la nde - ndeha la tana Yahunda.