Read Kambera NA MBUKUNA I AYUPU 11 Bible Online

NA MBUKUNA I AYUPU 11 - Kambera bible

NA MBUKUNA I AYUPU 11

¹Hi napanii i Hopàru, “Ka nda pahema-aya na kareuku kambàliku nuna? Pamàna-manyaka bàdi nu na tau kàli ngaru?

³Ha Ayupu, bau kakaya nda mamàka-mapa nu pahema-kau? Bau kakaya jia kandii-makaka nu bau paaka-nggama?

⁴Kikunya na pakaka-mu ba nda nanjala-a duna na kare - reuku-muka; tundunya na kanandingu-mu ba ili-mamunya la hanggana i Ala.

⁵Na nyuna, màtawa i Ala wiki ka na-pabanjarungu!

⁶Dàngu màtawa ka na-papeka-nggaunya, ba nadangu wihuna duna na manggàna, hi nda peku jàngapu-nanya tau. Ka pàda-dumu-nyaka ba ndedi pira-ana na mayila-mu, jàka pamenja-nya dàngu na hukungu ràka pangala-mu.

⁷Jia pi-munya-kaka na pawini-na i Ala? Jia jàngapu-munya-kaka na kuwaha-na i Ala?

⁸Na kuwaha-na narihi janggapa welingu la ma-kahàna; nda peku pajola-amunya hiu pitiya. Na kuwaha-na narihi ma-jolungu-pa welingu la parai tau meti, nda ana jàngapu-amunya.

⁹Na-kuwaha-na i Ala narihi lerangu-pa welingu la pinu tana, dàngu narihi nggailaru-pa welingu la tehiku bokulu.

¹⁰Jàka nayàpa-kau hi na-karia-nggau la ngia pa-patandangu-na ngera, ka nggamu matoru mbeni pa-pabeta-nya na wàngu etina?

¹¹I Ala natanda-ya na tau kàli kambaliku; da akatu-da nda da-pa-hapindingu-a la mbara matana.

¹²Jàka na-paanangu kalandai mopu na kalandai matàmba, hina-duka na tau nduba hi na-manggàna.

¹³Ha Ayupu, paili-yawa na etimu, manjaria-wa! Hamayangu-wa lai Ala!

¹⁴Wàrunja da njala welingu la etimu dàngu pa-marau-yawa na akatu welingu la umamu!

¹⁵Ka peku torungu-mu pahangga-nya na luri wàngu hangganggiru-mu; ka ndolaku bànduku-munyaka hi ndau mangàdatu-apa,

¹⁶hamangui na mayila-mu ba ndau namu-ayapa; beri hamana na iwa na mawawa ba nambula-nya tau.

¹⁷Na lurimu narihi hambila-pa welingu la hambila lodu, dàngu na ma-kapàtangu la lurimu hama hambila-na na lodu mbaru.

¹⁸Nyumu ukapànduku dàngu na-bokulu na monungu-mu; i Ala namangga-nggau hi peku luri mambiru-mu.

¹⁹Nyumu ndau mangàdatu-anya na papamu; dàngu nadangu na tau na makarai-kau pa-ndulangu.

²⁰Tàka na tau akatu na-lamaru ba na-tàngaru, nadu ba nda ningua ànda luhuda. Na pamonu-ma-ada jia-ma-aya ka nalu tàka na rehi metida,” wàna.