Read Kambera NA MBUKUNA I AYUPU 12 Bible Online

NA MBUKUNA I AYUPU 12 - Kambera bible

NA MBUKUNA I AYUPU 12

¹Nahema i Ayupu, “Langatàka, nyimi yia ba ngaru-minya na tau pinu tana. Jàkai metika nyimi, metimbu-nanya na manggàna.

³Nyunggambui duku tau maningu kanandingu-maka; mbuta biada da papanii-mika mbàda pimanggu-njaka. Dàngumbu, ka nggamuka nu mandedi pi hàlanja nuda? Ba tuna, àmbi kaka-duya bai rihingga nyungga!

⁴Nyungga nariki-ngga angunggu dàngu kandua-nggu, làti duna nyungga yia ba ku-padeningu dàngu nda ningua nyuranggu duku. Àmangu nahema-ya na hamayangu-nggu i Ala, jàka kuwara pakarai pa-ndulangu.

⁵Nyimi ipawawa-ya na tau hanggàmaru, ba na-mambiru-du na lurimi; na tau na ma-mareni njoruna mihili paluyai.

⁶Tàka na luri tau rambangu nda nggàra-a pa-mbimbitu-na; na tau matoru mbeni pa-rawaku-ya i Ala, luri mambiru pàku-ananya. Tàkana marapu pamonu-da, jiaya na àtalu wiki-ma-ada.

⁷Paàra-njawa da ma-hawurungu dàngu da banda napa da-papeka-nggai.

⁸Karaiwa lii kaloka la ngara dika la pinu tana dàngu la tehiku, napa ingalangu lii kaloka.

⁹Nggamuya la hongada mbutada manda pàdanya, ba i Ala-ma-a-duna ma-padika-nja?

¹⁰Nyuna ma-paloku-ya na luri mbutana na pa-padikangu-ka; dàngu makata-nya na kayeku ta - tauka.

¹¹Hama tuna na làmanggu ba na-mbuhangu pa-pàdangu pangangu mahàmu, tumbuna na kahilu-nggu ba na-mbuhangu parongu kareuku.

¹²Wàna na tau, na manggàna ninya la tau mamalai lurina, tàka lai Ala-aya duna na manggàna dàngu na àtalu kapàru. Na jàngapu kanandingu la tau ndaiya wànambui, na nyuna na jàngapu kanandingu dàngu na kawaha mbulungu lai Ala-aya!

¹⁴Nggàraya na pa-nyànggaru-na Nyuna nda peku pahada beli-anyapa nggamuya na pa-tanawa-na nda peku pahàla beli-ayapa.

¹⁵Na-dimbaku-ya na wai hi namihi dàngu hi na-katukuru mbutana; napuli-nya pa-lulungu, hi na-làndangu na iwa!

¹⁶I Ala na-kapàru, na-torungu dàngu na-bunjuku! Na ma-palapingu dàngu na palapi la lima-nanja.

¹⁷Na-butuhu-ya na manggàna-da da ma-katangu pareta, natuha pariki wàngu da liku uruda mbutada.

¹⁸Na-kunggulu-nja da maràmba hi na-tanawa-nja nyuda;

¹⁹na-pawawa-ha da ra - ratuka dàngu da ma-pangora mbutada.

²⁰Na-pakandii-ha da tau pa-monungu halawàla, na-butuhu-ya na manggàna-da da ma-kaweda.

²¹Na-pamakia-ha da tau mangia ngaba; hi na-panjàpu-ya na mangarangu-da.

²²Na-pahambila-ha da pangia ma-lamaru; na-pahandaraku-ha da mamaü ma-kapàta mitingu.

²³Na-paworu mbàmbaru dàngu na-paluri mbokaru-ha da ba - banjaru, hàlaka, na-patàlaru-ha hi lupa damija.

²⁴Na-pahondaru-ha da liku uruda mbutada, hi dalaku lindingu nda pingu tubada.

²⁵Dàmaku - dàmaku-da la kapàtangu, hi dalaku mbembatu hama tuna tau ma-maüku la wolu.