Read Kambera NA MBUKUNA I AYUPU 14 Bible Online

NA MBUKUNA I AYUPU 14 - Kambera bible

NA MBUKUNA I AYUPU 14

¹Piti welingu ba nadedi na tau na-mahaluputu, nda na-payatangu-a; na-dànggitu na lurina hi nambinu-nya harui mayila.

²Nyuna na-kalunga hi na-malaï hama tuna wàla ai; na-munangu hama tuna ninu, hi namohu pa-ngalangu.

³Dou Ala, nggiki hama mbuhangu biamu pa-tàngaru-ka, hiu pahangga - ngga la ngia pa-patandangu-mu ngera!

⁴Napeku ihu na tau njala pawunda-ya na manda ningu nyurangu?

⁵Na danguna na ndaungu lurina na tau mbàda kawuku-mamu-nyaka; na danguna na wulana mbàda padai-mamu-nyaka. Utuumbunya padi - dirana na lurina; nda peku pangga-ananya.

⁶Puli-kinya ka na-pànjangu, àmbu julu-duya; ka peku pàda-kinanya hàmuna na lurina lundu njàpu ràmana.

⁷Ningu-mapa monungu nduma pingi ai papunggu; nahili kalunga-pa, hi natuu laina.

⁸Jiapa-kai namobu na amuna daa la tana, hi nameti na kanjiru-na ba na-muhungu,

⁹tàka jàka nanggàna-yaka wai, hili kalunga-nanyai; hama tuna ai kanguraku ba dahili kahulaku da kalunga-na.

¹⁰Tàka jàka nameti na tau, njàpu-nanyaka na lurina; nu ba nameti, ka nggi nalaku ningu?

¹¹Hama tuna wai ma-hangolungu welingu la tàma, hama tuna luku ma-kawawaku hi lupa namihi na waina,

¹²tumbuna na tau na mambàda meti: nda jia hadangu beli-ana. Nda jia pawàla-ana ba ni-inyapa na awangu, nda nahili nggoda-apa daa la katuda-na.

¹³Puli-kingga ka ku-kawiningu daa la pangia tau meti; mangga-kingga hi lupa na-wadaru na mbenimu. Tàka kawuku-wa rehi la panamu-ka nyungga.

¹⁴Nadu, jàka nameti-ka na tau, napeku-pa nu pahili luri beli? Hau lodu - hau lodu ba ku-patiangu lupa na-làpahu yia na rehi mayila-nggu.

¹⁵Ka paau-dumu-nggaka, tàka hi kuhema-kau; ka hili namu-dumu-nggaka, tau pa-padika-mu.

¹⁶Tàka hiu hamata-ya na pangga-ngguka, tàka ndau hili hamata-ahapa da njalanggu.

¹⁷Napa ujàmanja da njalanggu dàngu hiu pa-hinggilu-ha; da njalanggu weli àmangu napa upodahu-ha.

¹⁸Napa da-tanyungguru da palindi hi da-taweharu hàla, dàngu da palindi watu màndungu da-lelingu welingu la pangia-da.

¹⁹Napa da watu nakiki-ha wai mbangatu; napa na tana nakauta-ya ura kawalu. Tuna nudu bau pa-tàlaru-ya na monungu-na na tau.

²⁰Upakàku-ya nyuna lundu nu - nu; Uparàha-nya palaku hiu panjilu-nya na matana.

²¹Da anana danjadi tau ma-bunjuku, tàka nda napi-anja. Dàngu jàka danjadi tau mali wawa, nda ningua mapanii-nya.

²²Jia-ma-aya na-pakati-na na ihina na papàda-na; jia-ma-aya na hawina-na na etina na paduku-na,” wàna.