Read Kambera NA MBUKUNA I AYUPU 15 Bible Online

NA MBUKUNA I AYUPU 15 - Kambera bible

NA MBUKUNA I AYUPU 15

¹Nahema i Elipàhu, “Kambàliku-munya na, ha Ayupu, nda ninguma linguna na pabanjarungu-muka! Nda ningua tau paeti mahema hamamu nyumu yiana, nda jia pa-mànangu-ana wikina wàngu kareuku nda ningu ihingu.

⁴Jàka era tundunya nu na pambuha-mu, nda hili ningu-apa haàtu tau ma-mangàdatu jàka ndia mahili hamayangu lai Ala.

⁵Na kare - reuku-muka na-paitangu-ya ba njala-munya, tàka na akatu-mu ukawini wànya màhina na làmamu.

⁶Nda kujàra-a pakàla-kau dàngu pa-panjala-kau, nadu ruku kareuku wiki-mamu hi kàlakau.

⁷Bau kakaya nyumuka nu kawunga tau pa-paanangu? Ninggau nu ba hinapa padika-nja da palindi?

⁸Màla nu urongu-maya i Ala ba hinapa na-pakakangu? Màla ka didi-akau nyumu mamangu-nya na manggàna tau?

⁹Mbuta-naka na papimu, nyumambu mapinya; mbuta-naka na ma-jàngapu la kanandingu-mu, nalohangu-mbu lai nyuma.

¹⁰Na manggàna yiana ma-kataku-ya nyuma welingu la tau ma-uwangu; nyuda mbàda ninjaka ba ndedipa nadedi na amamu!

¹¹Ka nggikina hi ndau mbuhangu panggepi-ya na omba-nanggau i Ala? Nyuma ma-kareuku wàngu manjalu dàngu malijangu la tamuna Nyuna.

¹²Tàka nyumu dumu hi mbumbaru-nanyai na ma-karaü, ba bu - bulada da matamu;

¹³bau kaburaü-nya i Ala dàngu patarangu-mu lai Nyuna.

¹⁴Napeku ihu na tau la panda njala ndoku? Napeku ihu la pa-pamàna-nya la hanggana i Ala?

¹⁵Jiapa-kingu da maranongu-mbu nda nawaiha kadu i Ala; nda da-matua-a la mbara matana.

¹⁶Ri - rihi-aipa duna na tau akatu iraku, na ma-kanggàkuku-nya na ma-akatu hama tuna wai pa-unungu.

¹⁷Patingingu-wa ha Ayupu, ningu pa-kaloka-nggunggau,

¹⁸na pa-papeka-nangga tau paeti. Nuna na lii pa-pekangu pangala-na welingu la boku-nanya, hi na-pangala hàlanya la ana umbuku-na.

¹⁹La rehina nu nda ningua tau pàlaku la paraida; nda ningua ma-panjàra-nja welingu lai Ala.

²⁰Na tau akatu ma-mbuhangu pa-kapidihu, na mangginggitu mànu na etina la luri-naka.

²¹Da lingu manda ngerida na-pauru-nja da kahilu-na; la rehi peku hàmu damai pa-kaluluku-nya tau rambangu.

²²Nda na-monungu-apa pa-hinggilu welingu la kapàtangu, nadu ba nimbihu lodu nayaulu-ya hapanda tau ma-pameti-ya nyuna.

²³Da mbaku da-patia-nya na rehi metina nyuna, da-mbuhangu pangaanya na metina. Ka pi-duna-nyaka ba nda nggàra-a pamonu-na la lodu malamiri.

²⁴Na hanggàmaru beri maràmba kaborangu-ya, mambàda hawanjiru pa-njàkapu-ya.

²⁵Tuna nu na urana na tau ma-tumbaru-ya i Ala, dàngu na matoru mbeni pa-hanobaku-ya i Hupu Mambiha.

²⁶Wàngu ngànjangu-na na-kaluluku-nya dàngu na-tumbaru-ya i Ala; na-jakaru-nya na temingu-na, ba nda hida-mana la pakàku.

²⁸Na-ndàdiku pa-daingu la paraingu mambera taweharu, la u - uma manda ningu taungu. Da paraingu nuda pa-pandumangu-haka la pa-padaingu pa-tanyànggaru.

²⁹Da pawulu-na na tau nuna da-mbulangu nda papinja rukuda; da banda da malanja-na dambuta kapu mehi.

³⁰Nyuna nda jia pahàla-ana welingu la kapàta wuru yila; na-pakehi-ha epi da kalunga-na. Nyuna na-molungu ruku hapuputu kayeku-na i Ala.

³¹Jàka nawaiya na manda ningu lingungu, ka pa-panyonga-yaka nyuna; dàngu na himbalu pangala-na, nda ningumbu linguna.

³²Ba ndedipa natàka na rehina, meti-nanyaka,[25] beri hama tuna na lai ai malaï na manda hili muru.

³³Nyuna beri hama pingi angguru na mamunju wuana, hama tuna pingi haitungu na mamunju wàlana.

³⁴Na tau akatu nda ningua ana umbuku-na; na-talàpu la epi na umana na pa-pahada wàna rukuna ba nakei pa-runungu.

³⁵Jia-duhaka nyuda da makaka-ya na ma-akatu hi da-pahàra-nya; na huri kaputingu ni mànunya daa la etina,” wàna.