Read Kambera NA MBUKUNA I AYUPU 18 Bible Online

NA MBUKUNA I AYUPU 18 - Kambera bible

NA MBUKUNA I AYUPU 18

¹Nahema i Mbilundàtu, “Ha Ayupu, ka pirangu-mapa hiu pànjangu pa-kareuku? Kandiiwa, nàhu nyumaka ma-mbuhangu pa-kareuku.

³Ka nggikina manduba-ha hi wàmu-nggama la etimu, dàngu hiu pahama-nggama la hapi?

⁴Na mbenimu pahidu-munya wiki-ma-amu. Ka lupangu ka nambuta na tauna na tana kiringu na pahàmu wàmu nyumu, dàngu hi paleli-nja da palindi welingu la pangia-da?

⁵Na palita tau akatu lupangu-ma ba pàdaya; na epina nda pahili paroka-ayapa.

⁶Na hambila daa la uma terana na-lamaru-ka; na palita la pinuna nda nahili hambila-apa.

⁷Na pangga bànduku-na na-panjilungu-ka ba mbembatu - mbembatu-na; na pakaka eti wiki-ma-ana na ma-patunjuru-ya.

⁸Na-hanggangu la remba, hi da-karembangu da wihina.

⁹Na tàndana na-hanggàpitu-ya kambia, hi njàkapu-ya nyuna.

¹⁰La tana, na-kawiningu na liku hiru; la ànda, pa-batangu-ya na kahili dàngu na hiliku.

¹¹Na tau akatu na-pakàtataku-ya pa-mayila wàngu welingu la nggi - nggini; na mangàdatu nandutu mànuya la pa - panggana.

¹²Àmangu na-kapàru-pa, nàhu na-kariku-ka; naangu mànunya tàparu.

¹³Na manula-na nambinu-nya wai mahidu; da wihi limana da-muhungu dawitu.

¹⁴Pa-hànditu-ya welingu la uma terana, na ngia pa-mambiru-na, hi ruruhu-ya la pahangga-nya na meti.

¹⁵Nàhu nggamu biaya napeku pa-ndàdiku daa la uma terana, hi na-hàbarungu tana lira lai nu, pa-pamindi wànya na kanyaki-na.[28]

¹⁶Da ihi umana hama tuna amu ma-marokutu dàngu ma-kawinja; da wàla wuana hama tuna karàngga meti dàngu ma-kawikitu.

¹⁷Nyuna nda patanda-ayapa daa la paraingu hamangui la hambeli paraingu; nda haàtu-mbupa manamu-ya na tamuna.

¹⁸Welingu la hambila ba yaulu pahangga-nya la kapàtangu; welingu la parai tau luri ba wànggaya nyuna.

¹⁹Ana umbuku-na nda ningua; la kotaku-na nda ningu-apa nua nituna.

²⁰Ba ronguya na ngerana na-katàtaku la patama lodu, tàka na tau la pahunga lodui duna ta - tàtana paraï pa-mangàdatu.

²¹Tuna-duka na ura tau akatu, nyuda da manda ihili-nya i Ala,” wàna.