Read Kambera NA MBUKUNA I AYUPU 26 Bible Online

NA MBUKUNA I AYUPU 26 - Kambera bible

NA MBUKUNA I AYUPU 26

¹Tàka i Ayupu hi napanii, “Kanjupu pingu hàmukau bau ndulaka nyungga ma-haluputu dàngu ma-habàna!

³Kanjupu hàmu-aya na lii panaungu dàngu na lii pa-pekangumu nu na pambàda wua-mungga, tau manduba!

⁴Nggamuka ngia pa-pahangga-munya nu na paniimu? Nggamu majuju-kau pa-pabanjarungu tungu nu?” wàna.

⁵[39]Nahema i Mbilundàtu, “Da tau la parai mameti nda - ndàndada; na wai dàngu na ihina ta - tàtada.

⁶La hanggana i Ala, na-tabunggahu na parai mameti, nda na-panggàbingu-a hi pekuna Nyuna paita-ya.

⁷I Ala na-wàlahu-ya na awangu, la pinu tehiku lerangu, hi na-tiwalu-nya na pinu tana la rowa kòbu.

⁸Na-paihi-nya wai panda taü na karumangu, tàka nuna na karumangu nda na-kahira-a paraï pambotu.

⁹Na-kawini-nya na matana na wulangu tambulu la hambeli karumangu pambàda wàlahu-na.

¹⁰Na-huratu-ya na kuluru-na na pinu tehiku la pa-padira-nya na hambila welingu la kapàtangu.

¹¹Jàka na-pakabàla wàngu talia liina manda - ndàrana, da-kandàndaku da kambaniru jurana na awangu.

¹²Na tehiku bokulu na-pakàku-ya[40] ruku mbihana dàngu i Rahàpu[41]-mbu na-pajàra-ya wàngu manyàmungu-na.

¹³Na kayeku-na Nyuna na-podahu awangu hi dira yarahu-ya; na limana Nyuna na-pameti ularu matika papalai.[42]

¹⁴Tàka nuda mbuu ndàbada tanda mbiha-ananya; kanguruku matàka la kahilu-andanya. Kanjupu hawutu-ma-ana na jàngapu-ndanya na rukuna i Ala dàngu na wirungu kawaha-na!” wàna.