Read Kambera NA MBUKUNA I AYUPU 35 Bible Online

NA MBUKUNA I AYUPU 35 - Kambera bible

NA MBUKUNA I AYUPU 35

¹Oi Ayupu, njàrangu-munya jàkau kakaya ba ndau njala-a la mbara matana i Ala.

³Kaliru-munya jàkau paàrangu, nggàraya na paruku njalamu hanggangu lai Nyuna; dàngu nggàra utu pangala-mu jàka ndau wunda manjala.

⁴Nyungga mahema-kau nyumu dàngu la kandua-muka nu.

⁵Tàngaru-wa la awangu dàngu kanàndaru-yawa ba dira janggaya na karumangu.

⁶Jàkau njala, nda jia runggi-ana i Ala. Jàka dadangu da njalamu, nda nggàra-a paruku-da lai Nyuna.

⁷Bau wunda mahàmu, nda ndula-amunya i Ala. Làngatàka, Nyuna nda nggàra naihi wàngua ngga - nggàra welingu lai nyumu.

⁸Mbulungu angumu patau-a pa-parunggi-mu wàngu njalamu. Nyunambui na ma-utungu ruku hàmumu.

⁹Da tau pa-kapidihu, napa da-kaingu; da-kaladaku nyuda ba dakarai pa-ndulangu.

¹⁰Tàka nda lai Ala-a, Ma-padika-nja na mawua-nja monungu la rehi handuka-da,

¹¹dàngu na mawua-nya eti diha kanandingu na tau marihi-nja da ma-hawurungu dàngu da banda la pinu tana.

¹²Da tau pa-kapidihu dawara, tàka pàdi wàna bia i Ala rukuna ba da-akatu dàngu ba kanjupu ngàjangu-ha.

¹³Kahewa-ma-ana ba dira kabàtingu-ha ba da-kaladaku; i Hupu Mambiha nda na-tàngaru-aha jàka ndia nda na-patingi-anja nyuda.

¹⁴Oi Ayupu, ri - rihi-maipa jàkau panii ba ndau ita-aya Nyuna, ba mbàda ninyaka na palakara-mu la hanggana dàngu ba nedi-munya Nyuna.

¹⁵Bau kakaya nda na-pahukungu-a i Ala dàngu nda naeti wa-anya na papangga hili wihi.

¹⁶Kahewa-ana bau pangala-nya na kareuku-mu; lohangu-nanyaka, ba ndau pi-anya nggàraya na patiki-mu.