Read Kambera NA MBUKUNA I AYUPU 39 Bible Online

NA MBUKUNA I AYUPU 39 - Kambera bible

NA MBUKUNA I AYUPU 39

¹Upinya nu pirangu ba padika-nja da kamàmbi palindi? Mbàda hamata-muka ruha matàmba ba na-paana?

²Upinya pira mandaina ba na-pakambu? Ungalangu patàpu-ya pirangu na rehi paana-na?

³Upinya pirangu na-lawuhuru, hi na-paana-nja da anana?

⁴Da anana da-bonjangu pa-bokulu dàngu pa-kapàru la maràda telangu; dalaku-ha hi nda dabeli-aha la inada.

⁵Nggamu ma-pahàla kalandai matàmba la omangu? Nggamu mangguli-ya na likuna hi napuli-nya pa-wenangu?

⁶Kuwua-nya maràda wara ka natuya umana dàngu maràda tana pariku la patuya ngia pa-ndàdiku-na.

⁷Nyuna namarau-nja da paraingu dàngu da pangia maremi, nda ningua mamàka pa-pamopu-ya hi na-paràma-nya.

⁸Na maràda ma-parumba la palindi ngia pangangu-na, nahimbu lai nu ngara matumbu mamuru.

⁹Màla na hapi matàmba na-mbuhangu paràma-nggau? Na-mbuhangu-ka nu patodu daa la okamu?

¹⁰Ungalangu nu pahondu-ya hiu hàniya paluku-nggau ndumamu? Ungalangu pa-palewa-ya la panggari-ya na wokamu?

¹¹Ungalangu pawaiya na àtalu kapàru-na, hiu wuanya na paràma-mu na mambotu?

¹²Màla uwaiya nyuna la pa-pauhi-nja da ihi wokamu, hi ngàndiha la ngia pa-pàmbalungu-mu?

¹³Dira renggaya ba na-kanggàpaku-nja da ruu kàpana na ota ningu kàpangu! Tàka na-hawurungu nggokaria nda na-ngalangu-a pamenja-nya.

¹⁴Na ota ma-pakàpangu natilu la tana, hi nalaku wàrunja; ka wara-ma-a ma-pambana-ha da tiluna.

¹⁵Nyuna nda napàda-anya hi naliti liaha tau dàngu hi na-kalijaku lianja banda matàmba.

¹⁶Na huri halaku-na ba beri hama tuna nda mangu bia-nanja nuda da anana; nda na-kawelangu-a jàka nda ningu linguda da paràma-na.

¹⁷Nyunggama ma-panduba-ya dàngu ma-pakambànga-ya, nda kuwua-anya manggàna dàngu eti diha kanandingu.

¹⁸Tàka jàka na-pakiringu pa-talanjiru,[57] na-pakàku njara dàngu ma-kaliti-ya.

¹⁹Oi Ayupu, ka nyumuka nu mawua-nya kapàru na njara dàngu katungga na mapaya - yalungu la wungguna?

²⁰Ka nyumuka nu ma-palewa-ya la pa-kalinjiku hama tuna kabala, dàngu wàngu kaperiku-na ba na-pamangàdatungu tau?

²¹Re - retana ba nakànja-ya na tana la lolangu, nahada ngàndingu pa-palàndahungu la ngia pa-pakabungu.

²²Nda napingu-a pa-kandàndaku dàngu pa-mangàdatu-na; nda ningua hapanda ma-pawadaru-ya.

²³Na madàka pa-halili-na na ma-kaliti-ya na-kakingu dàngu na-kabilaku ba nanggàna-ya hambila.

²⁴Wàngu hayandalu ma-hambumbatu na-talanjiru nuna na njara; jàka nalingu na taropitu nda na-roputu-apa wikina.

²⁵Handàka rongu - handàka ronguna ba palingu taropitu na-kaperiku, welingu la mamarau nahangei-ya na wau pakabungu. Narongu-ha da warada da ngora pabera ba da-wuangu lii pa-irungu.

²⁶Màla upapeka-nya pa-hawurungu na kola jàka nahanggangu hu luru ba na-wàlahu ruu kàpana?

²⁷Pareta-mu nyumuka nu pakiku-na na mbaku ba ndedipa nawulu hibuna la palindi jangga?

²⁸La pinu palindi watu nyuna na-pahada-nya na umana; da hupu watu ma-manuhuku jiaha da ngia pa-torungu-na.

²⁹Welingu lai nu hi na-kanandaru hàlaya la nggi - nggi da matana da-kahinu ba dahimbu pa-tiawa-na.

³⁰La nggiya na maningu meti banda, lai numaya nyuna, na riana nu na pa-pameti daunu-nya paraï da anana.