Read Kambera NA MBUKUNA I AYUPU 4 Bible Online

NA MBUKUNA I AYUPU 4 - Kambera bible

NA MBUKUNA I AYUPU 4

¹Hàla napanii i Elipàhu, “Ha Ayupu, ndiadu nakudu na etimu jàka kupanii? Nda kunoru-nya na etinggu la pakandii mandai.

³Dadangu-maka da tau pambàda wuamu lii panaungu, hiu pakapàru-ha da ma-haluputu.

⁴Na kareuku-mu na-pahanggiuru, na-pahada-nya na tau na ma-hembangu, da ma-haluputu dàngu da manjili.

⁵Tàka nàhu nyumu wikika panggàna handuka; tàtaku wàmu, tàka hi mbota monungu.

⁶Ka nda maraku-amunya nu i Ala; ka nda luri hàmu-amunya? Jàka tuna nu, lupangu-maka bàdi uwaiya, àmbu nambota-du na monungu-mu.

⁷Kamangu kau pangàda-nya hi ningu nu tau manda njala ma-manjurangu dàngu ma-hanggàmaru?

⁸Na papinggu la pangita-nggu na tau maluku woka akatu, dàngu na ma-hàbarungu tàparu beri wini tondungu, jiangu-mbu napàpu hanggàmaru dàngu harui!

⁹Hama tuna na làpuru, tuumbuna na hànggana i Ala, na-patàlaru-ha nyuda hi lupa dambuta!

¹⁰Na tau akatu na-kangaüku dàngu na-kaladaku, beri hama hingaha ba da-kaladaku. Tàka i Ala nawunggu-nja da ngaruda hi napata-ha da ngànduda.

¹¹Nyuda dameti hama tuna hinga manda toma pangaana, hi da-tanyalangu da anada.

¹²Handàka natàka-ngga lii langu, beri ma-kanguruku-ya la kahilu-nggu.

¹³Nda ku-katuda hàmua rukuna nuna, hama manggadipangu nda hàmuya la kapàta rudungu.

¹⁴Ka katàtaku-nggunyaka ba nda - ndàndanggu; ngga - nggauha-na na ihinggu, ba ta - tàtanggu.

¹⁵Na ngilu ma-maruru na pariripu la matanggu, ka kahiriru-nanyaka na ruu ihinggu.

¹⁶Ninya na ma-pahada taungu na ma-ndolaku la hangganggu; ku-kanundaru-ya, tàka nda kutanda-aya. Hi kurongu-ya na kareuku na ma-henaku-ya na kahàna rudungu,

¹⁷‘Napeku nu panda ningu njalangu na tau la hanggana i Ala?[7] Napeku nu la panda ningu nyurana la hangga[8] Ma-padika-nya?

¹⁸Jiapa da atana i Ala la awangu, nda jia monu-ananja. Jiapa la papalewa-na nahunggu-mbunja njala dàngu nyurada.

¹⁹Rihi-aipa duda da pa-padika-na welingu la tana wurungu da ma-welingu la kumburu tana da pa-tidihungu hama tuna ana kataru!

²⁰Daluri la lodu mbaru, hi dameti tawàlahu la malingu, dàngu nda pahili inga-ahapa lundu nu.

²¹Ka njàpu hàla-danyaka da mangu-daka; nyunambu nameti dàngu nda ngalangu-na pingu,’ wàna.