Read Kambera PAMALANGUNGU 10 Bible Online

PAMALANGUNGU 10 - Kambera bible

PAMALANGUNGU 10

¹Nggikina hiu tika pamarau, ou MIRI hiu kawiningu ba ma-handuka?

²Wàngu ngànjangu-da da tau akatu da ka-pidihu tau mila; màta ka da-harimbatu la remba wikida.

³Na tau akatu napanii abungu, rukuna na rinju etina na ma-akatu, na tau malumbangu naràtu-nya dàngu na-tebuku-ya i MIRI.

⁴Na tau njala nda na-wàrihu-ya i MIRI, ruku ngànjangu-na la kanandingu-na nda ningua Ala wàna.

⁵Na tau akatu na-paihi na paraïna; nda napinya na Ukuna i MIRI dàngu na-halawila-nya na papana.

⁶“Nda jia nda duluku-anggu, dàngu lundu ana umbuku hama tau manda luri akatu,” wàna du la etina.

⁷Na-ràtungu pa-nutakungu, na-pangàdungu, dàngu na-kambàliku, da kareuka-na ma-karaü dàngu ma-akatu juaya.

⁸Na-kapandi la nde - ndeha la pa-pameti tau nda ningu njalangu. Hama tuna hinga ma-pandapungu la wuku jemi ba nakuki-ya na tau nda payatangu. Nahànda tau mila la ma-malinggitu, na-njàkilu hi na-ruruhu-ya.

¹⁰Na-pamuku, na-ehingu pa-panjàkilu; na-panjoru tau wàngu pa-janggilu-na.

¹¹La kanandingu-na, “I Ala na-marombangu-ka, nda naeti wàngua; dàngu nda nahili ita pangala-anggapa!” wàna.

¹²Hadangu MIRI, hukunya na tau ka-tadaku! Namuya na tau pa-kapidihu!

¹³Ka nggikina na tau akatu na-panutakungu pa-paaka-nya i Ala nda nahuku-angga i Ala hi wàna la kanandingu-na?

¹⁴Tàka Nyumu muita-ya nyuna; mu-hamata ma-handuka dàngu ma-mayila, dàngu ehingu mànu-mamunya pa-pandulangu. Na tau nda payatangu na-pajàmangu wikina la Nyumu, Naingu ndula-munya na tau mila.

¹⁵Poraku-ya na àtalu tau akatu; hukunja rukuna na pawunda-da ka lundu da-manjaria.

¹⁶I MIRI na-pareta lundu nu - nu; da banjaru manda tandaya Nyuna da mau welingu la tanana Nyuna.

¹⁷MIRI, Nyumu utingiya na hamayangu tau kudu dàngu hiu paundu-nja da etida.

¹⁸Nyumu upulu angunja da ana mamila dàngu da tau pa-kapidihu la palakara-da, ka àmbu hili ningu tau ma-pamangàdatu-ha nyuda.