Read Kambera PAMALANGUNGU 101 Bible Online

PAMALANGUNGU 101 - Kambera bible

PAMALANGUNGU 101

¹Pamalangungu-na i Ndautu. Ka kuludu wotunya Nyuna wànggu-nggau, ou MIRI, rukuna na tuturu dàngu na mola, lai Nyumuya ou MIRI na ludu wotungu-nggu!

²Ka kueti-nya na luri nda ningu njurangu wàngguka, pirangu-ka bàdi bau mai lai nyungga? Ka kuluri matua la umanggu wàngguka,

³nda jia màta-anggunya na akatu. Na pawunda tau ma-kandulingu ku-karaü-nya eti, nda ku-paori daa-anja nyuda.

⁴Nda ku-mbuhangu-a pa-palapingu[53] dàngu ku-wiliru-nya na akatu.[54]

⁵Na tau ma-papulu kangunduhungu napa ku-patàlaru-ya. Tau ngànjangu dàngu jangga eti nda kumàta-anya.

⁶Kumbuha-nja da tau da ma-tuturu lai Ala; nyuda peku ndàdiku-da la umanggu. Na tau na maluri nda ningu nyurangu pekuna palumu-ngga.

⁷Na ma-palapingu nda peku ngiangu-ana la umanggu; na tau kambàliku nda na-torungu-a la hangganggu.

⁸Pandutu lodungu napa ba ku-pambuta-ha da tau akatu la tana yiana. Mbuu ndàba na tau mawunda ma-akatu napa ku-pamolu-nja welingu la paraingu-na i MIRI.