Read Kambera PAMALANGUNGU 103 Bible Online

PAMALANGUNGU 103 - Kambera bible

PAMALANGUNGU 103

¹Welingu lai Ndautu. Wotunya i MIRI ha hamangu-nggu, mbuu ndàbami ha wini etinggu, wotunya na tamu matua-na.

²Wotu-nyawa i MIRI ha hamangu-nggu, àmbu rombanja mbuu ndàba da hàmuna!

³Nyuna na majàma-nja mbuu ndàba da njalamu, na ma-pamàlaru-ha mbuu ndàba da hidumu,

⁴Nyuna na ma-pahàla-ya na lurimu welingu la reti, na ma-pabundu làndanggau wàngu mbuhangu dàngu pa-aïngu.

⁵Na-pabundu-nya mahàmu na lurimu,[55] hi hama tuna mbaku hili njulukau bau pa-daingu pabidi tau.

⁶I MIRI na-pahàra-nya na uku dàngu na mola nduma mbuu ndàba na tau pa-kapidihu.

⁷Lai Muha napeka-ya na pawuku-na dàngu la banjaru Ihirailu da pawunda-na.

⁸Ba na-paaï pa-namungu i MIRI, na-lerangu etina dàngu na-bundungu na mbuhangu-na.

⁹Nda na-panutakungu-a pa-kabàla, dàngu nda nambeni lundu nu - nua.

¹⁰Nda nahuku-anda hama tudana da njalanda, nda na-pahimbalu-anda hama tudana da ndokunda.

¹¹Tàka hama tuna janggana na awangu welingu la tana, tuna nu mbuu na bokulu panamungu-na la tau ma-karadaku.

¹²Hama tuna na marauna na pahunga lodu welingu la patama lodu, tuna nu mbu na marauna ba nawàru-nja da njalanda nyuta.

¹³Hama tuna haàtu ama manamu ha da anana, tuna numbu i MIRI ba nanamu-ya na tau ma-karadaku.

¹⁴Nadu i MIRI ba napinya na ngia paweli-nda nyuta, na-pangàda-nda ba kumburu tana-ma-ata.

¹⁵Hama tuna rumbaya na-dànggitu lurina na tau; na-hangebaru hama tuna wàla ai la wokaya;

¹⁶jàka na-maruru-nyaka ngilu molungu-ma-ananya, jiapa na pangia-na nda pahili pi-anyapa.

¹⁷Tàka i MIRI pa-daingu mbuha-nanya na tau ma-karadaku, na hàmuna na pa-lupangu la ana umbuku

¹⁸la tau makata undunya na pa-njanjingu-na, dàngu na maweli etina pa-manundu la hupu liina.

¹⁹I MIRI ma-pareta-ya la awangu, Nyuna hanganji-ya ma-hanggubu-nya mbutana mbuu ndàbana.

²⁰Wotunya i MIRI, ha nyimi maranongu kaborangu-na, ma-patingingu dàngu manunju-ya na hupu liina.

²¹Wotu-nyawa i MIRI, ha mbuu ndàbami ngara dika la awangu, mbuu ndàbami atana mawunda-ya na pambuha-na.

²²Wotu-nyawa i MIRI ha mbuu ndàbami ruku limana la nggubulu pa-hanganji-na. Wotu-nyawa i MIRI, ha hamangu-nggu!