Read Kambera PAMALANGUNGU 108 Bible Online

PAMALANGUNGU 108 - Kambera bible

PAMALANGUNGU 108

¹Ludu. Pamalangungu-na i Ndautu.

²Kupawai weli etingu, ou Ala, ka kuludu dàngu ka kuwotu-nggau Nyumu, wàngguka. Ha hadangu-wa, hamangu-nggu!

³Ha hadangu-wa, ha jungga lamba dàngu jungga! Ka benginya na rara kiri awangu, wàngguka.

⁴MIRI, ka ku-pamalangu-nya wànggunggau la hongada da banjaru. Ku-rinjungu paludu wotunggau la honga banjaru pinu tana.

⁵Nadu ba na-bokulu na pa-namungu-mu natàka la awangu dàngu na tuturu-mu natàka la karumangu.

⁶Ou Ala, pa-itangu-ya na bokulu-mu la awangu, dàngu na mangarangu-mu la nggubulu pinu tana.

⁷Pamara-kamawa wàngu kodi màkamu, tingiya na hamayangu-ma, ka pamara-ha da tau pambuha-mu.

⁸Welingu la pangia matua-na[61] napanii i MIRI, “Ka kupaya-aungu wàngguka ba kupabe - berinya na tana Hikimu, na Lolangu Hukutu kutunya undi.

⁹Na Nggiliatu dàngu na Manahi mangu-nggunja, na Epuraïmu tubuku waja-nggunya, dàngu na Yahunda tokungu pareta-nggunya.

¹⁰Tàka na Muapu ngia pabaha wihi-nggunya; kupaya-aungu ba kutalu-ya na Pilitia. Ku-patàda-nja da halapa-nggu la Endumu, ka tandaya ba mangu-nggunya,” wàna.

¹¹Nggamu-aka ma-karia-ngga la Endumu? Nggamu-aka malonda-ka la paraingu maningu ngia pa-torungu-na nu?

¹²Ou Ala, ndau karia-anggama? Ndau ndàharu karia-anja da tanatara-ma?

¹³Ndula kama pahangga-nya na muhu, nadu ba nda ningua linguna na pa-ndulangu tau pinu tana.

¹⁴Ba na angunda i Ala ta-ringgitu pa-kaborangu; Nyunama ma-pakàku-ya na muhunda.