Read Kambera PAMALANGUNGU 111 Bible Online

PAMALANGUNGU 111 - Kambera bible

PAMALANGUNGU 111

¹Wotu-nyawa i MIRI! Wàngu weli etinggu, ku-pamalangu-nya i MIRI, wàngguka la padua kabungguru banjaru-na.

²Langatàka pa-hangàtarungu-ha da pawunda-na i MIRI, ràka-mana ka na-manginjiru-ha paraï tau mambuha-nja.

³Da paràma-na i MIRI da-mangarangu dàngu pa-wotungu-ha, na molana lundu nu - nuya.

⁴I MIRI ma-paaï pa-namungu-ya, nawunda-ha da pa-hangàtarungu, ka peku pangàda mànu-ndanja.

⁵Nawua-ngu uhu ràka ngangu la tau ma-karadaku, dàngu nanamu mànuya na pa-njanjingu-na.

⁶Mbàda paita-nanyaka na kodi màkana la banjaru-na, ba nawua-njaha da tana kangeha-da da ba - banjaru.

⁷I MIRI namola dàngu na-tuturu la mbuu ndàba pawunda-na, mbuu ndàba da hupu liina pa-monungu-ha.

⁸Da Ukuna da-torungu pangalangu lundu nu - nu, na-wuangu-ha wàngu ma-padeningu dàngu mamola.

⁹Nyuna na-pamara-ya na banjaru-na, dàngu natura-ya na pa-njanjingu ma-palupangu dàngu nyuda. Nyuna na MIRI ma-matua dàngu ma-kaborangu!

¹⁰Nggamu biaya na ma-rinjungu pa-manggàna lupangu natembi-ya i MIRI bàdi,[64] Nyuna nawua-nya kanandingu ma-jàngapu mbuu ndàba na tau ma-karadaku. Pa-wotungu-ya i MIRI lundu nu!