Read Kambera PAMALANGUNGU 113 Bible Online

PAMALANGUNGU 113 - Kambera bible

PAMALANGUNGU 113

¹Wotu-nyawa i MIRI! Ha dimi atana i MIRI, wotu-nyawa na tamuna i MIRI!

²Napa pa-bobaru-ya na tamuna, nàhu dàngu pangalangu lundu nu - nu.

³Piti welingu la pahunga lodu lupa la patama lodu lupangu-ma pa-wotungu-ya na tamuna i MIRI.

⁴I MIRI na-hanggubu-nya mbuu ndàba na banjaru, na bokulu-na na-làpahu-nya na awangu.

⁵Nggamu mahama-nya i MIRI na Alanda? La pangia majangga-ya duna na-mandapu ningu.

⁶Ba tuna na-karuduku pawawa la pangadu-ya na awangu dàngu na pinu tana.

⁷Na tau mila nadendi-ya welingu la kumburu tana, dàngu na tau na manda toma lurina welingu la aü.

⁸Na-pamandapu papera-nja dàngu da maningu kawahangu, dàngu da tau bokulu la banjaru-na.

⁹Nawua padaanya anana na kawini papaha na mambuta, hi panjadi-ya ina ma-paohangu dàngu patembi la kuru umana. Wotu-nyawa i MIRI!