Read Kambera PAMALANGUNGU 116 Bible Online

PAMALANGUNGU 116 - Kambera bible

PAMALANGUNGU 116

¹Kumbuha-nya i MIRI, ba natingi-ka dàngu ba naeti wànya na kamahingu-nggu.

²Natingi-ka nyungga, handàka wara - handàka wara-nggunya Nyuna.

³Na hanggàmaru meti na-winggiru-ngga; na mayila meti na-njàkapu-ka, nda na-pangudu-ya na etinggu, dàngu na-pamangàdatu-ka.

⁴Ka wara-nggunyaka i MIRI, “Ou MIRI, ku-kamahi-nggau pamara-kawa!” wànggunya.

⁵I MIRI ma-paaïngu-ya dàngu namola; na Alanda kanjupu mila etiya.

⁶I MIRI naopa-nya na tau na maràka-ana na lurina; la rehi ndukanggu na-pamara-ka.

⁷Ku-pangudu-ya na etinggu, nadu ba nahàmu-ngga i MIRI.

⁸I MIRI mbàda pahàla-nanggaka welingu la meti; naomba-ka dàngu nda namàta-angga panjoru.

⁹Hi peku pàda hàmu-nggunya na luri la pinu tana yiana, la opangu-na i MIRI.

¹⁰Pa-daingu pawainggu, jiapa kuli-yakai la paniinggu, “Kanjupu pa-rodukungu-ka,” ba wànggu.

¹¹Ba nda kupinya tubana kupanii, “Nda haàtu-a manda kambàliku,” wànggu.

¹²Nggàra-aka pawua-nggunya i MIRI ka ku-palimba-nya nahàmu-nangga?

¹³Napa kungàndi-nya maraku angguru i MIRI la pa-pamalangu-nya rukuna na pa-ndulangu-na.

¹⁴Napa ku-pahàra-nja da njanjinggu lai Nyuna la hangga mbutana na banjaru-na.

¹⁵I MIRI lalu mila-nanya eti na metina na haàtu tau pambuha-na.

¹⁶Nyungga duku ata-mungga, ou MIRI, hama tuna na inanggu, nyungga mbui duku kulumu-nggau Nyumu, Nyumu mbàda pahàla-munggaka welingu la tahangu.

¹⁷Napa kungàndi-nggau maraku pamalangungu, ba dàngu paora-nggunya na hamayangu-nggu lai Nyumu.

¹⁸Napa ku-pahàra-nja da njanjinggu lai MIRI, la hangga banjaru-na mbutana

¹⁹na ma-kabungguru la hanamba Umana i Miri, la padua paraingu Yeruhali. Wotu-nyawa i MIRI!