Read Kambera PAMALANGUNGU 12 Bible Online

PAMALANGUNGU 12 - Kambera bible

PAMALANGUNGU 12

¹Nduma ma-kapipi tau maludu. Kikunya na wiliku pawalu wàna. Pamalangungu-na i Ndautu.

²Ndula àru-kama ou MIRI, ba nda ningu-apa tau manundu, na tau ma-tuturu lai Nyumu na-munangu-ka.

³Nyuda mbuu ndàbada da-pakambalikungu dua wikida, da-palapingu wàngu kareuku ma-pawànda eti.

⁴Roputu-ha la kareuka pamandangu-da, MIRI, pakandii-ya na tau makàli ngaruna,

⁵nyuda nu da mapanii, “Makodi màka wàngu làmama! Mawàngu etima duma la kareuku-ma, dàngu nda ningua maràka pa-paratahu-nggama!” da mawàda.

⁶Tàka i MIRI, “Na tau mila pa-kapidihu-ya na tau mayila na-kanjaïku paraï pa-katiu. Ka hadangu-nggunyaka la pawua-nja mambiru na pakarai-da,” wàna.

⁷Na njanjina i MIRI na undungu, paràka pa-monungu-ya, hama tuna àmahu bara ihi mbàngina pa-kamangu la epi.

⁸La nggi - nggini da-tanyalangu da tau akatu, na akatu na-pangia ngabaya paraï nimbihu tau. Tàka Nyumu umangga-nggama, ou MIRI, mangga-nggamawa la tau akatu nuda.