Read Kambera PAMALANGUNGU 122 Bible Online

PAMALANGUNGU 122 - Kambera bible

PAMALANGUNGU 122

¹Na luduna i Ndautu ba lua pa-tadalu pangia pa-malilingu. Kumbaha eti waa-manya, “Màlanda la Umana i Miri!” ba wànangga tau.

²Nàhu mbàda tàka-maka la pindu bokulu paraingu Yeruhali.

³Na Yeruhali na pambàda tura ka paraingu-ya pa-panunggulu pahàmungu pa-manandangu-ya.

⁴Lai yia-yaka damai ningu da kabihu-na na banjaru, da kabihu-na na banjaru paleha-na i MIRI, la pamalangu-nya Nyuna nunjuya na hupu liina.

⁵Lai yiaha da hanganji wàlana i Ndautu ba da-patanda-nya ngerana na rayatu-da.

⁶Hamayangu-wa nduma pa-mambiru wàna na Yeruhali: “Màla àruki ka daluri mbokaru ndàba da tau mambuha-nggau.

⁷Màla àruki ka ninya naluri peku la kalibaru paraingu-mu, dàngu na mambiru la kuru kilimbatu-mu,” wàna.

⁸Lumuda da nuanggu dàngu da ariyaa-nggu “Màla àruki kau peku hàmuwa!” hi wànggu.

⁹Lumuna na Umana i Miri, na Alanda, ku-hamayangu kau pa-ohangu.