Read Kambera PAMALANGUNGU 132 Bible Online

PAMALANGUNGU 132 - Kambera bible

PAMALANGUNGU 132

¹Na ludu ba lua pa-tadalu pangia pa-malilingu. Ou MIRI, pangàda-kinya i Ndautu, dàngu mbuu ndàba na mayila-naka.

²Àmbu maromba-nya na rubuku-nanggau Nyumu MIRI, na pa-ràndingu-na lai Nyumu Mahupu Àtalu, Alana i Yakupu.

³Ba napanii, “Nda jia hangahu-anggu la umanggu nda jia katuda-anggu la ngia pa-katuda-nggu,

⁵jàka ndedi-madu ku-pahadangu uma ndumana na Alana i Yakupu, ngia pangiangu-na i MIRI Mahupu Àtalu,” ba wàna.

⁶La Mbetulehimu tarongu rukuna na Pàti Pa-njanjingu, tàka hi hungguya la maràda Yaàru.

⁷Màla-ndawa talua la ngia pa-ngiangu-na i MIRI, dàngu ka ta-karuduku-nya Nyuna la hangga kanjàka pareta-na.

⁸Maingu-wa dàngu ngiangu-wa la Umamu, ou MIRI, dàngu na Pàti Pa-njanjingu, na tanda mbihamu.

⁹Màla àruki ka na-paoi mbaha etingu na banjaru-mu, dàngu ka daluri nunjuya na pambuha-mu da ratumu.

¹⁰Lumuna i Ndautu atamu, àmbu jukaru-nya na hanganji paleha-mu.

¹¹I MIRI mbàda harangu-naka lai Ndautu; nda jia yila beli-ananya na pa-njanjingu-na. Ba napanii, “Na haàtu welingu la anamu kuwotu-ya pa-hanganji ka na-pareta hilukau nyumu.

¹²Jàka da-tuturu da anamu la pa-njanjingu-nggu, dàngu danunju-ha da hupu liinggu, lundu nu - numaka da ana umbuku-da ba dahilu-kau nyumu la pa-hanganji,” ba wànanya.

¹³Nadu i MIRI ba mbàda leha-nayaka na Hiungu; narinju-nya ka ngia pa-ngiangu-nanya.

¹⁴Napanii, “Yiana-yaka na ngia pa-ngiangu-nggu lundu nu - nu, ku-rinjungu pa-pareta lai yiahu.

¹⁵Wàngu bundungu kuwua-nyaha da pakalana-naka, da tau milana kuwua-nja pangangu ludu mbihuda.

¹⁶Da ratuna da-pajiliku-nya na mànangu welingu lai Nyungga; na banjaru-na napa daludu dàngu da-paoi mbaha etingu.

¹⁷Na haàtu na wàlana i Ndautu kuwotu-ya la pa-hanganji lai yiahu; napa ku-paundu-nya na pareta-na.

¹⁸Napa napeku hàmu mànu na pareta-na, tàka da muhuna pa-pamakia-ha napa,” wàna.