Read Kambera PAMALANGUNGU 14 Bible Online

PAMALANGUNGU 14 - Kambera bible

PAMALANGUNGU 14

¹Nduma ma-kapipi tau maludu. Pamalangungu-na i Ndautu. Da tau akatu, “Nda ningua Ala,” wàda la etida. Na pawunda-da manda hàmu dàngu ma-iraku-ya nda ningua mawunda mahàmu.

²Welingu la awangu i MIRI na-kanandaru-ya na banjaru tau pinu tana ba nahimbu tau manggàna ma-marubuku-nya Nyuna.

³Tàka mbutana na tau mbàda njàrangu dàngu iraku-naka ba nda na-pahuri taungu-apa, nda ningua mawunda mahàmu nda haàtu-ma.

⁴“Nda dapinya ihu da tau akatu? Ba ramba-danya na banjaru-nggu dàngu ba nda ana hamaya-dangga Nyungga,” wàna i MIRI.

⁵Napa kanjupu mangàdatu-ya na tau akatu, nadu ba na-kahiri-ya paraïna i Ala na tau ma-karadaku-nya Nyuna.

⁶Na tau akatu na-pabeta-nya na tau mila, tàka i MIRI na ma-kahiri-ya.

⁷Màta àruki welingu la Hiungu ka natàka-nya mànangu na Ihirailu! Ka mbaha eti-nanyaka na wàlana i Yakupu jàka na-pahàra belinya i MIRI na yoru yelana na banjaru-na.