Read Kambera PAMALANGUNGU 140 Bible Online

PAMALANGUNGU 140 - Kambera bible

PAMALANGUNGU 140

¹Nduma ma-kapipi tau maludu. Pamalangungu-na i Ndautu.

²Pahàla-kawa welingu la tau akatu, ou MIRI, mangga-nggawa la tau ma-mbuhangu pawàngu rara matana.

³Da-unangu ma-akatu la etida, dàngu nimbihu lodu dawuda-ya na palumungu.

⁴Da làmada hama kataru pa-upahungu-ha, da kareuku-da hama tuna upahu kataru pupuhu-ha.

⁵Ou MIRI, opa-nggawa welingu la kawaha tau akatu, mangga-nggawa la tau ma-mbuhangu pawàngu rara matana da mawuku-ya la papuha-ka.

⁶Da tau abungu dabata kangunduhu-ngga hiru, dàngu dawala-ngga remba ka yàpaka. La àndanggu mbutana dabata-ngga lambongu kahili ka pa-handànga-ka.

⁷Ou MIRI, kupeka-ya ba jiakau Nyumu Alanggu, tanaü-ya na hamaya kamahingu-nggu.

⁸MIRI, Alanggu ma-pamàna-ngga ma-kapingatu, Nyumu mambàda opangga la pa-hànjalungu.

⁹Àmbu kataku-duya na parinju tau akatu, ou MIRI, àmbu màta-dunya ka na-lundungu na pauna-da.

¹⁰Àmbu màta-dunja patalu da muhunggu; màtawa na kareuku akatu patiki-da ka nanggàna-ha nyuda da mapulu-ngga.

¹¹Màtawa ka naura-nja wàla epi, dàngu ka wàrunja la lambongu meti, hi nda peku luhu belida.

¹²Màtawa na tau ma-mbuhangu pawàngu rara matana ka na-pitaku-ya pa-manjurangu wàngu, àmbu màtanya na ma-papulungu pa-ngiangu la pinu tana.

¹³Kupinggau bau kahiri tau pa-kapidihu, dàngu bau ndulaya la palakara-na na tau mila.

¹⁴Napa da tau patutungu dawotu-nggau Nyumu; napa nyuda da-ndàdiku dànggau Nyumu.