Read Kambera PAMALANGUNGU 143 Bible Online

PAMALANGUNGU 143 - Kambera bible

PAMALANGUNGU 143

¹Pamalangungu-na i Ndautu. Ou MIRI, tingiya na hamayangu-nggu, tanaü-ya na kamahingu-nggu. Hema-kawa rukuna na tuturu-mu, kataku-yawa na hamayangu-nggu rukuna na molamu.

²Nyungga duku ata-mamungga, àmbu patanda àru-kingga ngera, ba nda ningua tau manda ningu njalana la hanggamu.

³Nayaulu-ka muhunggu hi na-pakàku-ka, hi na-panàngga-ngga la uma kapàtangu ma-kapàtangu; hi hama tuna tau mambàda meti mandaika.

⁴Nambota-ka na monungu-nggu, hi kanjupu mbinguka.

⁵Kunamu-ya la rehi na ma-làpahu; ku-kanandi-nja mbuu ndàba da pawunda-mu, ku-pangàda-nja mbuu ndàba da paràma-mu.

⁶Ku-hamaya-nggau Nyumu dàngu pandemangu limanggu; hama tuna tana màduya, na ndewanggu ba narinju-nggau Nyumu.

⁷Lu hema-kawa, ou MIRI, nadu ba mbota monungu-nggunyaka. Àmbu jia kawiningu-mu welingu lai nyungga, ka àmbu hama tuna tau mambàda puru la pangia metika.

⁸Panamu nimbihu mbaru-ngganya na pa-namungu-mu, ba lai Nyumudu ngia pa-monungu-nggu. Paita-ngganyawa na ànda ngia palinggu bàdi, ba lai Nyumudu ku-hamayangu ningu.

⁹Ku-hurungu pa-handera lai Nyumu, ou MIRI, pahàla-kawa welingu la mu - muhunggu.

¹⁰Papeka-nggawa panunju-ya na pambuha-mu, ba jiakau Nyumudu Alanggu. Uhàmu etimu Nyumu, dàngu ulondaka napa la ànda ma-ndidaru.

¹¹Pamara-kawa nunjuya na njanjimu, ou MIRI, pahàla-kawa welingu la handuka, bau hàmudu.

¹²Pameti ndàba-hawa da muhunggu, bau namu-duka, pa-tàlaru-ha mbutada da ma-kapidihu-ka, ba ata dumungga.