Read Kambera PAMALANGUNGU 146 Bible Online

PAMALANGUNGU 146 - Kambera bible

PAMALANGUNGU 146

¹Wotu-nyawa i MIRI! Ha ndewanggu, wotu-nyawa i MIRI!

²Ka kuwotu-nya i MIRI la ngala luringgu wàngguka dàngu kuludu-nya na Alanggu la ngala ba ninggapa.

³Àmbu monungu-du la maningu kawahangu, la tau pinu tana manda màka pa-pamànangu.

⁴Jàka dameti, tana beli-ma-aha; la lodu nunama ba damau ndàba da pa-kàkatu-da.

⁵Oha-naka na tau mamonu-nya i MIRI na Alana, dàngu na mamangu-nya na Alana i Yakupu ba jiaya na mandula-ya.

⁶Nyuna ma-padika-nya na awangu dàngu na tana, na tehiku dàngu ihi-naka; Nyuna pa-daingu tuturu-na lundu nu - nu.

⁷Na-kahiri-ha da ngabada da tau pa-kapidihu, dàngu nawua-nja pangangu da tau mamanjuu. I MIRI na-pahàla-ha da tau tanawangu,

⁸dàngu na-pahàmu mata tau poki hi dangita. Na-pahadangu tau manjoru, dàngu nambuha-nja da tau patutungu.

⁹Naopa-nja da tau nàmu; nandula-ha da kawini meti lei dàngu da ana mamila, tàka na pa-kàkatu tau akatu na-pabeta-nya.

¹⁰I MIRI Hanganji lundu nu - nuya. Ha Hiungu, na Alamu na kawaha la ngala nggubulu ngahu ndaungu-ka. Wotu-nyawa i MIRI!