Read Kambera PAMALANGUNGU 15 Bible Online

PAMALANGUNGU 15 - Kambera bible

PAMALANGUNGU 15

¹Pamalangungu-na i Ndautu. MIRI, nggamu ma-ràkangu patodu la Maümu, dàngu ma-ndàdiku la tandula matua-mu.[9]

²Na tau maluri nda ningu nyurangu, na makàli wunda mahàmu, dàngu ma-patutungu kareuku-na;

³na manda pawau anguna, na manda wunda ma-akatu la anguna, na manda pulungu angu kotaku-na;

⁴na ma-wiliru-nya na tau paràtu-na i Ala, tàka natembi tau ma-karadaku; na ma-pahàrangu njanjina, ka jiapa ka narunggi

⁵dàngu na-mawua parutangu àmahu nda paana; na manda mbuhangu pakei pawua parunungu la pa-parunggi-ya na tau manda njala. Na tau mawunda matungu nu, naluri mambiru mànuma.