Read Kambera PAMALANGUNGU 17 Bible Online

PAMALANGUNGU 17 - Kambera bible

PAMALANGUNGU 17

¹Na hamayangu-na i Ndautu. Ronguya na waranggu pakarai mamola matànji, katàmbalu-nya na hamayangu-nggu na ma-kunduhu.

²Pulu angu àrungga la palakara-nggu bau pinya jàka nggàraya na ma-padeningu.

³Jàka umanginjiru-ya na etinggu dàngu umai la rudungu pa-manginjiru-ka, napa utomangga ba kumola manundu; na kareuku-nggu na-patangangu dàngu na kanandingu-nggu.

⁴Na hupu liimu kununju-ya dàngu na pa-janggilu ku-wiliru-nya.

⁵Kununju mànu-maya duku na pambuha-mu dàngu nda ku-hiliru-anya.

⁶Kuwara-nggau Nyumu ou Ala, ma bau hema duka; hamata àruka dàngu tanaü-ya na liinggu.

⁷Pa-itangu-ya na mbuhangu-mu na pa-hangàtarungu bau pamara duya na tau ma-handera lai Nyumu, la lihimu damara welingu la hànjalu-naha muhu.

⁸Mangga rima àru-kingga hama tuna namangga rima-munya, na karohu wua matamu, kawini-ngga la lumbu ruu kàpamu,

⁹welingu la tau akatu. Na-nggupulu-ka muhu ma-mbuhangu pa-pameti-ka;

¹⁰nyuda nda ningua paaï panamungu-da na kareuku-da abungu jua-ma-aya.

¹¹Da-nggilingguu weli winggiru-ngga, ka yàbahu-nya la tana, wàdangga.

¹²Hama tuna hinga ma-pandapungu payàpa-na, kamboka hinga ma-pandapungu la pangia ma-kawiningu.

¹³Hadangu-wa dou MIRI, tumbaru-ya dàngu beraya na muhunggu. Pamara wàngga hapanda-mu, welingu la tau akatu.

¹⁴Pahàla-ka welingu la tau ma-kangutungu bandana nduma la pinu tana-a. Huku-nyawa wàngu tàparu na pambàda panduma haha-munja nyuda. Màla àruki da ana umbuku-mbuda ka àmbu damara welingu la huku-munja.

¹⁵Tàka nyungga duku napa ku-tangara-kau, ba nda kunjala-a. Ba ku-pawàla-ka, na ninggau na-pahawola-ya na etinggu.