Read Kambera PAMALANGUNGU 2 Bible Online

PAMALANGUNGU 2 - Kambera bible

PAMALANGUNGU 2

¹Nggikida da banjaru hi da-kawutaru dàngu da kabihu banjaru dawuku-ya na manda patuba?

²Da hanganji pinu tana hi handàka hadumbalu-da dàngu da maningu kawahangu da-pahamangu pa-tumbaru-ya i MIRI dàngu na hanganji paleha-na.

³“Màla ta-kunggulu-nya na kawaha-da wàda da ma-pangaba!” wàda.

⁴Welingu la kanjàka pareta-na la awangu i Ala nariki na-kamibi-nja.

⁵Tàka wàngu hànggana i MIRI na-kabàla-ha nyuda, na-pakanggupuku-ha ba nanyara-ha.

⁶Hi napanii, “La Hiungu[1] na palindi matua-nggu mbàda wotu-ngguka hanganji paleha-nggu,” wàna.

⁷Napanii na hanganji, “Napa ku-bobaru-ya na pa-kawuku-na i MIRI. ‘Ha nyumu ananggu, lodu nàhu bau Amangga.

⁸Karaiwa, mbuu ndàba na banjaru kuwua-nggaunya, dàngu na pa-nggubulu awangu ka mangu-munya.

⁹Uporaku wànya toku bàhi, upamuburu-ha hama tuna wuru tana,’ ” wànangga.

¹⁰Ba tuna katana-yawa, ha hanganji-ka, namuya yiana na lii panaungu ha ma-pareta-ka!

¹¹Lumu-nyawa i MIRI dàngu tuturu-mi,

¹²ma-rubuku karàda-wa la hanggana,[2] ka àmbu jia hànggana i MIRI hi handàka patàlaru-na-nggami, ba na-kandula harabàndangu na hànggana. Oha-naka na tau na ma-handera lai MIRI! wàna.