Read Kambera PAMALANGUNGU 21 Bible Online

PAMALANGUNGU 21 - Kambera bible

PAMALANGUNGU 21

¹Nduma ma-kapipi tau maludu. Pamalangungu-na i Ndautu.

²Ou MIRI, na-hawola na hanganji rukuna bau pa-kapàru-ya nyuna; nambaha eti rukuna na talu na pawua-munya!

³Na parinju etina upalundu-nya, na pakarai-na uwuanya.

⁴Umai tomaya wàngu kanyuru ma-bundungu, upatànggapu-nya tubuku àmahu rara la katiku-na.

⁵Nakarai luri, uwuanya malai luri, dàngumbu luri lundu nu.

⁶Ruku tula-munya hi kanjupu mangarangu-ya, upa-bokulu-ya na tamuna hi nahunga.

⁷Na kanyuru-mu nandutu-ya lundu nu; na ninggau na-pambaha etiya.

⁸Na hanganji namonu-nya i MIRI Hupu Majangga, naingu mambiru-na ba naingu mbuha-nanya paraïna i MIRI.

⁹Na-tanawa-nya mbuu ndàba na muhuna, nayàpa-ya mbuu ndàba na tau ma-karaü-nya eti Nyuna.

¹⁰Natàka hama tuna epi kandulangu-ya pa-patàlaru-ha nyuda. Napa nyuda na-pamànji-ha ruku hànggana i MIRI, dàngu ruku epi ma-pakehi.

¹¹Welingu la ana umbuku-da nda haàtu-a mapeka, na-pamànji ndàbaha paraïna hanganji.

¹²Jàka dauna-nya la pa-tumbaru-ya na hanganji, tàka na akatu pauna-da nda na-lundungu-a.

¹³Napa na-patuba-nya panana, hi da-punjilungu papalai.

¹⁴Mawotu-nggau Nyumu MIRI, ba kanjupu mbihakau, maludu wotunya na taramu.