Read Kambera PAMALANGUNGU 24 Bible Online

PAMALANGUNGU 24 - Kambera bible

PAMALANGUNGU 24

¹Pamalangungu-na i Ndautu. Manguna i MIRI-ya na tana dàngu na ihi-naka, na pinu tana dàngu na mangia-nyaka.

²Natunya latana la pinu tehiku, na-paundu-nya la pinu wai malibu.

³Nggamu ma-ràkangu pahei la tandula-na i MIRI,[17] dàngu patama-nya la Umana?

⁴Na tau maili kanandingu dàngu pawunda-na, manda hara kambàliku dàngu manda hamayangu marapu.

⁵Jiaya nyuna na pa-pakanyurungu dàngu na pa-pamàna-na i MIRI, dàngu nda nanjala-a nyuna wàna i Ala.

⁶Tuna nu duka na tau ma-hurungu la hanggana i Ala, la hangga Alana i Yakupu pa-marubuku-nya.

⁷Tabunggahu tawanggahu-wa ha dimi pindu bokulu weli ndaingu, ka natama na Hanganji Mangarangu.

⁸Nggamuya nu na Hanganji Mangarangu? Nyuna jiaya i MIRI kaborangu; i MIRI na mambinu kawaha-na na matalu manàra la pabera.

⁹Tabunggahu tawanggahu-wa ha dimi pindu bokulu weli ndaingu, ka natama na Hanganji Mangarangu.

¹⁰Nggamuya nu na Hanganji Mangarangu? I MIRI Hupu Mbiha, Nyuna jiaya na Hanganji Mangarangu!