Read Kambera PAMALANGUNGU 28 Bible Online

PAMALANGUNGU 28 - Kambera bible

PAMALANGUNGU 28

¹Pamalangungu-na i Ndautu. Kuwara-nggau Nyumu ou MIRI, Nyumu ma-kahiri-ka, tanaü-ya na waranggu. Jàka pàdi wàmu bia, beri hama tuna mapuru la lambongu retika.

²Tingiya na kamahingu-nggu jàka ku-kaladaku pakarai pa-ndulangu, dàngu jàka ku-pandemangu hanggangu la Uma nggi Matua-mu.

³Àmbu huku pakaria-ngga tau katadaku, dàngu tau mawunda ma-akatu. Da paniida namboka pawànda eti, tàka da etida da hulungu ma-karaü.

⁴Huku-njawa ruku na pawunda-da, rukuna na akatu pa-pandoi-da. Huku-njawa nunjuya na pawunda-da; patàka-njawa hukungu ma-paràkangu.

⁵Nda da-kawela-anja da pawunda-na i MIRI, jàka ndia da paràma-na Nyuna. Napa nahuku-nja nyuda, hi na-pamànji palupa-nja lundu nu - nu.

⁶Wotu-nyawa i MIRI, ba narongu-duyaka na pakarai-nggu.

⁷I MIRI namangga-ngga dàngu na kahiri-ka, Nyuna pamonu-nggu. Nyuna natula-ngga dàngu na pahawola-ka, kuwotu-nya wàngu ludu pamalangungu.

⁸I MIRI nawua-nya àtalu kapàru na banjaru-na, na-kahiri dàngu na-pamàna-nya na hanganji paleha-na.

⁹Pamàna-nya na banjaru-mu ou MIRI, pa-kanyuru-ha da tau pamangu-mu. Màta ka beri mini pawangu-kau lai nyuda, dàngu mangga-njawa lundu nu - nu.