Read Kambera PAMALANGUNGU 29 Bible Online

PAMALANGUNGU 29 - Kambera bible

PAMALANGUNGU 29

¹Pamalangungu-na i Ndautu. Wotunya i MIRI ha maninggai la awangu-ka, wotunya na bokulu dàngu na mbihana.

²Wotunya na tamuna i MIRI ma-mangarangu karuduku-wa la hanggana wàngu paki lumungu.[21]

³I Ala ma-bokulu na-kangguruku la pinu tehiku, na talia liina nalàngi la pinu tehiku lerangu.

⁴Na talia liina i MIRI parongu-ya, kanjupu mbiha dàngu mangarangu-ya.

⁵Na talia liina i MIRI na-panjoru pingi ai, na-poraku pingi kajiu Limbanongu.

⁶Na Palindi Limbanongu na-pakali - linjiku-ya, hama tuna ana hapi, na Palindi Hiriyungu na-pakapunduhu-ya hama tuna ana hapi mbàtingu.

⁷Na talia liina i MIRI na-pawiti-nya panggàna na kabilaku.

⁸Na talia liina i MIRI na-patandidu maràda telangu, i MIRI na-patanggàjiru-ya na maràda telangu la Kandihu.

⁹Na talia liina i MIRI nayoya-nja da pingi ai[22] mbaranganu, hi lupa damu - munju da rau ai la omangu; tàka la Uma Ala na banjaru-na nawara, “Wotunya i MIRI!” wàda.

¹⁰I MIRI na kawaha-ya na iwa obungu, lundu nu - nu na-pareta ba Hanganji-ya.

¹¹I MIRI ka na-paàtalu àru-kiya na banjaru-na, dàngu ka nawua-nya mambiru.