Read Kambera PAMALANGUNGU 33 Bible Online

PAMALANGUNGU 33 - Kambera bible

PAMALANGUNGU 33

¹Paoingu-wa ndumana i MIRI ha tau tànji rukuna na pawunda-na i MIRI; ràka-mana na tau manundu ka na wotungu.

²Pamalangu-nyawa wàngu jungga i MIRI, ludu-nyawa pa-kariangu malingu pambabu wàngu.

³Ludu-nyawa bidi ludu i MIRI, jungga pahàmu-nya dàngu paoi mbaha etingu-wa!

⁴Mbuu ndàba na paniina i MIRI pa-monungu-ya; na-patutungu la ngara pa-wunda-naka.

⁵Nambuha-nya na patutungu dàngu na mola; nggubulu-na na tana nambinu-nya mbuhangu-na.

⁶Ruku hupu liina i MIRI, na dedi na awangu; na mata lodu na wulangu dàngu da kandunu da dedi ruku ngaruna.

⁷Mbutana na wai tehiku na kahaunya la kanaina, na tehiku lerangu napàtu-ya la kahiri-na.

⁸Karadaku-nyawa i MIRI ha pinu tanaka tembi-yawa Nyuna, ha banjaru mbuu ndàbami.

⁹Nadu ba natungu liina, hi nadedi mbutana; na-wuangu pareta hi ninya mbuu ndàbana.

¹⁰I MIRI na-pabeta-nya na palakunda-da da banjaru-ka, napamau-ya na pawuku-da.

¹¹Tàka na pa-lakunda-na i MIRI na-daingu, na pauna-na naundu pangalangu la ngala ningu rehi.

¹²Oha-naka na banjaru na mapeka i MIRI ba Ala-nanya, Oha-naka na banjaru paleha panjadi manguna!

¹³I MIRI na-kanàndaru welingu la awangu, naita ndàbaya mbutana na tauka.

¹⁴Welingu la kanjàka pareta-na i MIRI na-hamata-ya mbutana na mangia-nya na pinu tana.

¹⁵Nyuna ma-làtiku-ha da eti-daka, mbuu ndàba na pawunda-da napinya.

¹⁶Jàka natalu na hanganji nda ruku dangu tanatara-a, jàka namara na panjuri nda ruku àtalu-a.

¹⁷Patalu wànguha da njara nda ngalangu-a pawànda, na àtalu-da na ma-mbangatu nda pamara wàngu-aha.

¹⁸I MIRI namangga-nya na tau ma-karàda-nya, dàngu na tau na mamonu-nya na panamungu-na.

¹⁹Na pamara-ha welingu la meti, dàngu na paluri-ha la rehi rimbangu.

²⁰Tàka nyuta tamonu-nya i MIRI, Nyunaka na tulanda dàngu na ma-kahiri-ta.

²¹Rukuna Nyuna hi ta-hanggela hawola dàngu hi tamonu-nya na tamu nggi matua-na.

²²Màla àruki ka daingu mbuhamu-nggama ou MIRI, ba Nyumudu pamonu-ma.