Read Kambera PAMALANGUNGU 38 Bible Online

PAMALANGUNGU 38 - Kambera bible

PAMALANGUNGU 38

¹Pamalangungu-na i Ndautu ba wotu maraku pangàdangu.

²MIRI àmbu hukungga la hàngga-mungga, àmbu pa-mayila-ka la mbeni-mungga.

³Na wua panamu na-tanjungu pa-manua-ya na ihinggu, na limamu nambotu bau roduku-ngga.

⁴Kuhidu mbotu rukuna na hàngga-mungga; nda na-hayandalu na ihinggu ruku njalanggu.

⁵Na-lumburu-ngga iwa njalanggu, da ngàndi njalanggu lalu mbotuda lai nyungga.

⁶Da pongunggu dawitu dàngu dawau muhungu, ba kuli-duyaka na nduba.

⁷Ku-karuduku dàngu kupangga muku, malo - lodungu ba ningga la ringu langu dàngu la hawina.

⁸Na analalu na-handara-nya na ihinggu, nda ningu hayandalu-na na ihinggu.

⁹Kula - làjaru dàngu nanjàpu na àtalu-nggu, ku-padudurungu paraï pa-bàrangu eti.

¹⁰MIRI, mupinya na rinju etinggu-ka na pangodungu-nggu, nda na-kawiningu-a lai Nyumu.

¹¹Na-bàrangu na etinggu, nanjàpu na àtalu-nggu, da matanggu da-hambala-ka.

¹²Da kula ariyaa-nggu da-wiliru-ngga rukuna na mahidu-nggu, hamangui da kalembi-nggu da-maraungga.

¹³Na tau na ma-mbuhangu pa-pameti-ka dabata-ngga hiru; da ma-mbuhangu pa-pahanggàmaru-ka da-pangàdungu la papamau-ka.

¹⁴Tàka nyungga hama ma-kawanga manda rongu-kaka, hama tuna ma-kambànga manda pingu pa-kareuku.

¹⁵Langatàka hama tuna manda rongu-kaka, ba tuna hi nda peku pandia-nggu.

¹⁶Na nyuna kumonu-nggau Nyumu, ou MIRI, tàka Nyumu MIRI Alanggu, muhema-ka.

¹⁷Àmbu màtanja da muhu pa-hayidi ba ku-mayila, àmbu màtanja pa-abungu rukuna ba ku-mbebatu.

¹⁸Kutika panjoru, panua likungu-mana na katiu-nggu.

¹⁹Na-mangginggitu na etinggu; ba ku-pangàda-nja da njalanggu.

²⁰Da muhunggu da dangu dàngu da-àtalu, da-karaü-nya eti na huri luringgu.

²¹Da tau ma-palimba-nya na mahàmu wàngu ma-akatu damuhu-ngga rukuna ba kuwunda mahàmu.

²²Ou MIRI, àmbu màta-dungga, ou Alanggu àmbu marau-dungga.

²³Lu mai parenggangu pandula-ka, Ou MIRI Ma-pamara-ka.