Read Kambera PAMALANGUNGU 39 Bible Online

PAMALANGUNGU 39 - Kambera bible

PAMALANGUNGU 39

¹Nduma ma-kapipi tau maludu. Pamalangungu-na i Ndautu. Ndumana i Yendutungu.

²La etinggu, “Ku-pananjarungu-ka bàdi ka àmbu kunjala wàngu làmanggu. Nda kubihu pa-kareuku ba talànga lihi-nangga tau akatu,” wànggu.

³Jiapa-ma ba pàdi wànggu, hi ku-parunggingu wikinggu. Dàngu kupàda-nya na mayila-nggu na-parukangu pambotu;

⁴nanggàpi-ka mangginggitu eti. Hama huka pangàda nggunya, hama huka handuka-na na etinggu; nu ba tuna hi kupanii,

⁵“MIRI, pekangga-nya jàka pirangu nanjàpu na luringgu ka kupinya ba dira kababa-ya na luringgu,” wànggu.

⁶Kanjupu dànggitu-ya bau hukutu-ngga luringgu! Lai Nyumu na rehi luringgu nda pira-ana. Langatàka na tau hama kayeku-aya,

⁷na lurina beri maü-maaya ba na-kawiliku. Mbuu ndàba na-kanggutaku-na kahewa-ma-ana; na-kangutungu banda, tàka nda papi-anya jàka nggamu ma-malanja wànja.

⁸Nàhu nggàraka panedi-nggu, ou MIRI? Lai Nyumu-aya na ngia pamonu-nggu.

⁹Pahàla-ka welingu la mbuu ndàba da njalanggu, àmbu màtangga ka nariki-ngga tau nduba.

¹⁰Kukandii dàngu nda nggàra-a papanii-nggu, ba Nyumu-madu ma-ràmbahu-ka.

¹¹Payila-nya na hukungu-mu welingu lai nyungga, nadu kutika pameti bau nàhaku-ka.

¹²Ruku njalana na tau; muhuku-nya dàngu mu-ràmbahu-ya hama tuna pa-pamija ana kataru jàka nggàraya na ma-pawilingu lai nyuna. Langatàka na tau beri kayeku-aya.

¹³Tanaü-ya na hamayangu-nggu ou MIRI, taleli-nya na lii kamahingu-nggu; àmbu pàdi wàmu bia ba kuhii. Hama tuda da boku-ngguka, ba nda pira-a mandaina natodu-nggu lai Nyumu.

¹⁴Àmbu kumilu-ka, kapeku hawola-kinggu, ba ndedipa ku-yilangu dàngu hi nda ni-anggapa.