Read Kambera PAMALANGUNGU 41 Bible Online

PAMALANGUNGU 41 - Kambera bible

PAMALANGUNGU 41

¹Nduma ma-kapipi tau maludu. Pamalangungu-na i Ndautu.

²Oha-naka na tau maeti wànya na tau lamanga; napa i MIRI nandula-ya la rehi handuka.

³I MIRI naopa-nya dàngu na-kabubulu-ya na lurina, napa na-paoha-nya la pinu tana, dàngu nda napuli-nya la lima muhu.

⁴Napa i MIRI nandula-ya la rehi hiduna, hi na-pabeli-nya na halimu-hayàla-na.

⁵Ku peka, “Lai Nyumu wikima kunjala, ou MIRI, mila àru-kingga eti dàngu pahàmu àruka,” wànggu.

⁶Manda hàmu-ma-aya na papanii-da da muhunggu rukunggu nyungga, darinju-nya na metinggu dàngu ka maromba-ngga.

⁷Da tau ma-tadalu-ka ma-akatu-ma-aya na pamai wàda. Da-kangutungu lii langu manda hàmu rukunggu nyungga, hi da-bobaru-ya la nggi - nggini.

⁸Mbuu ndàba na ma-karaü-ngga eti ngu - nguruda; ba dapanii-ya na manda hàmu halawàla rukunggu nyungga.[24]

⁹“Lalu mbotu-ya na hiduna, nda jia hili hadangu-anapa,” wàdangga.

¹⁰Jiapa na ariyaa pamonu halawàla-nggu, na mangaa pera dàngga mbàda pawawa-nanggaka.

¹¹Namu àru-kika ou MIRI, pa-hawuri àru-kika, ka ku-palimba-nya na akatu-da da papanggu.

¹²Jàka nda da-duluku pa-pakàku-ka muhunggu, pi-dunggu-nyaka bau orangga eti.

¹³Mutula-ngga rukuna ba ku-patutungu, tàka hi kuluri dànggau Nyumu lundu nu - nu.

¹⁴Wotunya i MIRI, na Ala Ihirailu! Wotu-nyawa Nyuna, nàhu dàngu lundu nu - nu! Ka tunawa. Amingu!