Read Kambera PAMALANGUNGU 42 Bible Online

PAMALANGUNGU 42 - Kambera bible

PAMALANGUNGU 42

¹Nduma ma-kapipi tau maludu. Ludu lii papekangu tau Kora.

²Hama ruha ma-kandàngangu wai luku, tuumbuna na hamangu-nggu ba na-kandànga-nggau ou Ala.

³Ku-kandàngangu Ala maluri, pirangu-ka bàdi ka peku luanggu pa-lumungu la Umana?

⁴Lodu lundu rudungu ba kuhii, ku-uhungu wai matanggu. Malo - lodungu da-paàrangu da muhunggu, “Nggiya na Alamu?” wàdangga.

⁵Na-hawina na etinggu ba ku-pangàda-nya la rehi na ma-làpahu, ba hanàhu-ngga la Umana i MIRI dàngu tau dangu da mambabu. Ba kungia ngaba la tau ma-pajurungu wàngu kayaka pa-oingu-nggu dàngu ludu wotungu.

⁶Ka nggikina hi na-hawina dàngu hi nda nangudu na etinggu? ka-kumonu-nya i Ala wàngguka. Dàngu ka kuhili pamalangu-nya Nyuna, na Alanggu dàngu na Ma-pamàna-ngga.

⁷Yiahu la tana tanawangu lalu làjaru-ya na etinggu, jia-duyaka hi ku-pangàda-nya i MIRI. Na ndewanggu namili la ngalingu hawina, nanjungu-ngga iwa hariwatu eti; hama kawoku wai harangi la Luku Yorundangu welingu la Palindi Herumungu dàngu Palindi Mihàru.

⁹Màla àruki la lodu ka na-paloha-ngga panamungu-na i MIRI, ka peku ludunggu la rudungu, dàngu ka peku hamayangu-nggu lai Ala pingi luringgu.

¹⁰Ku pekanya i Ala, na makahiri-ka, “Ka nggikina hiu maromba-ngga? Ka nggikina hi nua-nainguna na mayila-nggu, ruku kapidihu-nangga muhunggu?” wànggu.

¹¹Dira làjaru-ya na etinggu ba na-paaka-ngga muhu. Da-paàra mànungga, “Nggiyaka na Alamu?” wàda.

¹²Ka nggikina hi na hawina dàngu hi nda nangudu na etinggu? Ka kumonu-nya i Ala, wàngguka. Dàngu pamalangu-manggu-nyapa duku Nyuna, na Alanggu dàngu na Ma-pamàna-ngga.