Read Kambera PAMALANGUNGU 46 Bible Online

PAMALANGUNGU 46 - Kambera bible

PAMALANGUNGU 46

¹Pamalangungu tau Kora. Nduma ma-kapipi tau maludu. La wiliku Alamotu.

²I Ala jiaya na ngia pa-handera-nda dàngu jiaya na àtalu-nda; kamomatu mànu mananya pandula-ta jàka natàka-nda handuka.

³Nda ta-nggidiku-a, jiapa ka na-yoyangu na tana, dàngu jàka da-tandaningu kati wara da palindi la padua kuru nduu;

⁴jiapa ka na-kaborangu dàngu ka na-ngalingu na tehiku, dàngu ka nda - ndàndada da palindi ba na nàhaku-ha.

⁵Ninya na luku na ma-lulungu ma-panggaüru-ya na paraina i Ala, na pangia-na i Ala Hupu Majangga.

⁶Ba ninya i Ala lai nu, nda jia tambuluru-ana na paraingu; Nyuna na-pandulangu la mbaru hada rudungu.

⁷Jàka ndu - nduruna i Ala na tana na-tanàhaku; da-kanggupuku da banjaru, dambera da paraingu.

⁸I MIRI Hupu Mambiha naangu-nda, na Alana i Yakupu naopa-nda.

⁹Màla ilu-hawa da pawunda-na i MIRI; kanjupu pa-hangàtarungu-ha da pawunda-na la pinu tana!

¹⁰Na-pakamàndalu-ya na pabera la pa-nggubulu awangu, da pana dàngu da nimbu na-pakabu-ha, da temingu natunu-ha.

¹¹Napanii, “Àmbi hili pabera-dupa; kai pinya, Nyungga yia Alaka, ma-bokulu-ka Nyungga la hongada da banjaru, bokulu la pa-nggubulu awangu,” wàna.

¹²I MIRI Hupu Mambiha naangu-nda, na Alana i Yakupu naopa-nda.