Read Kambera PAMALANGUNGU 48 Bible Online

PAMALANGUNGU 48 - Kambera bible

PAMALANGUNGU 48

¹Pamalangungu tau Kora.

²I MIRI kanjupu ma-bokulu-maya dàngu hupu pa-wotungu-ya la parai Alanda la tandula nggi matua-na.[27]

³Na Hiungu na palindi-na i Ala na-manandangu ba dira janggaya na parai Hanganji Bokulu na-pahawola-ya na pinu tana.

⁴I Ala na-ngiangu la ngia pa-torungu-na, tàka Nyuna wikima mamangga rimanya.

⁵Tàngaru-ha, da hanganji ba da-pauhi; hi damai hanggangu pa-hànjalu-ya.

⁶Tàka ba daita-yaka na palindi da-hangàtaru; da-kanggupuku hi dapalai nda pingu tuba.

⁷Paraï pa-mangàdatu nda - ndàndada lai nu, hi dakatiu hama tuna kawini ma-habola,

⁸hama tuna kapalu mambera la ngilu làpuru.

⁹Hama tuna na-parongu-nda, nàhu taita-ya, la Paraina i MIRI Hupu Mambiha. Na paraingu nuna, paraingu-na na Ala-ndanya, na-kahiri-ya lundu nu - nu.

¹⁰Daa la Umamu mangàda-ya na pa-namungu-mu ou Ala.

¹¹Na tamumu na hamboka dàngu pa-wotungu-ya la pa-nggubulu awangu, ukatangu pareta wàngu mola.

¹²Màta da-kayaka hawola, na tau la Hiungu dàngu la Yahunda, rukuna bau hukunja da papada.

¹³Laku winggiru-nyawa na parai Hiungu, kai dihaha da kahuluku umana.

¹⁴Hamata-ha da kilimbatu-na, kinjuha da ngia pa-torungu-na, ka peku panii wàngumi la bidi ana la malamiri:

¹⁵“Nyuna ba Alaya, Alanda nyutaya lundu nu - nu, Nyuna nalonda-ta lundu nu - nu,” ka wàmi.