Read Kambera PAMALANGUNGU 49 Bible Online

PAMALANGUNGU 49 - Kambera bible

PAMALANGUNGU 49

¹Pamalangungu tau Kora. Nduma ma-kapipi tau maludu.

²Ronguwa, ha mbuu ndàbami banjaru-ka, talelingu kahilu-mi, ha ma-mandapu-nya na tana,

³tau maràka-ana, hamangui tau ma-pangora, tau mamila hamangui tau mawulu.

⁴Na ngarunggu natiki lawiti manggàna, na pangàda etinggu kanjupu tanjiku-ya.

⁵Ku-tanaü-ya na lii pangerangu, wàngu jungganggu ku-kaloka-ya na ihina.

⁶Nda ku-mangàdatu-a la rehi manjurangu, ba na-nggupulu-ka papanggu da ma-akatu.

⁷Da tau akatu da-hamela wànja da pawulu-da, dàngu da-ngànjangu wànja da banda malanja-da.

⁸Nda haàtu-a mamàka pa-pahàla-ya na angu dedina, jàka ndia mahilu wànya palohu lai Ala.

⁹Jàka nggàraya na pawua-na nda natoma-a; ba lalu mbotuya na hilu palohu lurina,

¹⁰ka peku hinggilu-na welingu la meti hi peku lurina lundu nu - nu.

¹¹Ndia-a, napa naita-ya ba nameti-mbu na tau manggàna. Na tau ànga dàngu na tau nduba hama meti-mbuda, hi da-taliuru-nja da malanja-da nduma tau hawiangu.

¹²Pa-daingu-danyaka la reti lundu nu - nu; ndàdiku pangalangu-duda-nyaka lai nu, jiapa-kai ka ningu tana danguda ba talànga lurida.

¹³Nda peku luri pangalangu-ana na tau la boraku; hama tuna banda, tuna numbu nyuna ba na tàlaru.

¹⁴Tuna nu duka na tau ma-hamelangu wikina, dàngu na rehi malamiri-na na tau na mahoda wàngu kareuku-na.

¹⁵Pa-hukutu-mahaka ka da-pameti mbimbingu; na meti jiaya na mini pawangu-da. La mba - mbaru na-pakàku-ha tau patutungu; na ihida narengga mbubuku la pangia tau meti, hi damarau-nya na ngia paluri boraku.

¹⁶Tàka i Ala napa na-pahàla-ka nyungga, na-pahàla-ka welingu la lima meti.

¹⁷Àmbu mangàdatu jàka nalua-ya la wulu na haàtu tau, dàngu jàka da-bonjangu da banda da malanja-na.

¹⁸Ba nameti nda nggàra-a pangàndi-na, da pawulu-na nda datama karia-anya la reti.

¹⁹Hamanai jàka na pa-kanyurungu na haàtu tau la lurina, dàngu ba ruku pa-kanyurungu-na hi tiki mànuya na rihina,

²⁰jiangu-ma napa ba nandutu-ha da boku la mangilu-na la pangia ma-kapàtangu lundu nu - nu.

²¹Na tau nda jia pangalangu-ana la luri boraku, hama tuna banda tuna numbu nyuna ba na tàlaru.