Read Kambera PAMALANGUNGU 5 Bible Online

PAMALANGUNGU 5 - Kambera bible

PAMALANGUNGU 5

¹Nduma ma-kapipi tau maludu ba wàngu taleli. Pamalangungu-na i Ndautu.

²Ou MIRI, tanaü-ha da papanii-nggu, hamata-ya na padudurungu-nggu.

³Ihili àrunya na waranggu dàngu, tula kingga, ou Hanganji-nggu dàngu Alanggu.

⁴Ba lai Nyumu ku-hamayangu, ou MIRI, tingiya na waranggu la rehi mbaru. La mba - mbaru kuwotu maraku-nggu[4] hi kunedi-nya na hemamu, ou MIRI.

⁵Nyumu Ala manda mbuhangu ma-akatu-kau; na tau akatu ndau pahia-anya pa-ariyaa lai Nyumu.

⁶Na tau ma-abungu ndau mbuha-anya, dàngu mbuu ndàba na mawunda akatu ukaraü-nya eti.

⁷Da ma-kambàliku upatàlaru-ha, na ma-palapingu dàngu na ma-pameti tau nda nggàrama wilina la mbara matamu.

⁸Tàka ruku bokulu pa-namungu-mu, peku tamanggu la Umamu. Ku-marubuku tubanya na Uma matua-mu, dàngu kulumu-nggau la karàda-nggu.

⁹Ou MIRI, nadangu na muhunggu! Londa-kawa la panunju-ya na pambuha-mu, dàngu paita-ngganya na ànda ngia palinggu.

¹⁰Na kareuku muhu nda na-padeningu-a; darinju-nya na-hanggàmaru-nggu. Na paniida namboka na-pawànda eti, tàka na etida na-hulungu pawuku akatu.

¹¹Ou Ala, patanda-nyawa ngerada, ka da-hanggàmaru ruku pa-lakunda wikida. Nyumu-maka pa-tumbaru-da, wàngga-hawa ruku njala danguda.

¹²Màla aruki ka na-hawola na tau na ma-handera lai Nyumu hi peku ludu mbaha eti mànuda. Uopanya na tau na mambuha-nggau, ka da mbàha eti rukumu Nyumu.

¹³Nadu na tau ma-manundu-nggau upamaringu-ya, Uopa wànya mbuha-munja.