Read Kambera PAMALANGUNGU 52 Bible Online

PAMALANGUNGU 52 - Kambera bible

PAMALANGUNGU 52

¹Nduma ma-kapipi tau maludu. Ludu lii panaungu-na i Ndautu,

²ba nalua lai Haulu i Ndowiku tau Endumu papanii-nya ba mbàda tàka-naka i Ndautu la umana i Ambimeliku.

³Ha tau ma-àtalu ka nggikina hiu hamela wànya na akatu-mu la tau pambuha-na i Ala?

⁴Malo - lodungu bau palapingu dàngu bau pangàdangu pawunda akatu; na làmamu hama tuna kahidi kikiru dàkaya.

⁵Urihi mbuha-ninyapa na akatu welingu la mahàmu, dàngu na kambàliku welingu la ma-padeningu.

⁶Wàngu kareuku-mu bau palapingu hiu pahidu eti tau hawiangu!

⁷Tàka napa i Ala na-patàlaru-kau lundu nu - nu; napa nayàpa-kau hi na-ruruhu-kau welingu la umamu, hi na-pamuna-nggau welingu la pinu tana tau luri.

⁸Ba daita-ya nuna paraï tau manundu da-maradaku, hi dariki-nggau nyumu ba dapanii,

⁹“Tunanu duka na tau manda handera lai Ala, tàka na-hamela wàngu pawulu-na da mabundu làndangu ba nahimbu mambiru wàngu malanja pa-rambangu,” wàdanggau.

¹⁰Tàka nyungga duku beri pingi haitungu ma-muruka daa la Uma Ala. Kupi hàmunya ba daingu mbuha-nangga i Ala lundu nu - nu.

¹¹Ka ku-pamalangungu mànunya bàdi wànggunggau la hangga banjaru-mu ku-bobaru-ya na hàmumu.