Read Kambera PAMALANGUNGU 54 Bible Online

PAMALANGUNGU 54 - Kambera bible

PAMALANGUNGU 54

¹Nduma ma-kapipi tau maludu. Pa-kariangu jungga. Ludu lii panaungu-na i Ndautu,

²ba dapanii-nya i Haulu paraï da tau Hipi, “I Ndautu na-kawiningu lai nyuma,” wàda.

³Ou Ala, pahàla-ka ruku mbihamu, wuangga mamola ruku kodi màkamu.

⁴Tingiya na kamahingu-nggu, ou Ala, tanaü àru-kiha da papeka-nggu.

⁵Nadu da tau hangàdangu dahada-ngga pa-hànjalu-ka, da tau abungu, ka pameti-ya wàdangga, nda da-ihili-anya i Ala.

⁶Tàka i Ala jiaya na tulanggu; I MIRI jiaya na ma-kahiri-ka.

⁷Napa Nyuna nahuku-nja da muhunggu wàngu akatu wikida nyuda, hi na-patàlaru-ha ruku patundu-nangga nyungga.

⁸Kuwàngu etinggu pawotu kameti maraku lai Nyumu, dàngu ku-pamalangu-nggau ruku hàmumu, ou MIRI.

⁹Mbàda pahàla-munggaka welingu la ngara handuka-ka, hi kuita mataya ba pakàku-ha da muhunggu.