Read Kambera PAMALANGUNGU 55 Bible Online

PAMALANGUNGU 55 - Kambera bible

PAMALANGUNGU 55

¹Nduma ma-kapipi tau maludu. Wàngu jungga. Ludu lii panaungu-na i Ndautu.

²Ou Ala, tingiya na-hamayangu-nggu, àmbu tàluru-nya na pakarai-nggu.

³Hamata-ka dàngu hema-kawa, ku-muburu paraï pa-handuka.

⁴Nda nangudu na etinggu ruku pangàdungu muhu dàngu ruku kapidihu tau akatu. Nadu da-pahanduka-ya na luringgu, dàngu wàngu kaburaü-da ba damuhu-ngga.

⁵Nda nangudu ndoku na etinggu, na mangginggitungu meti, na-pamangàdatu-ka.

⁶Nda - ndàndanggu paraï pa-mangàdatu, na-njàkilu-ka maringgingu hamangu.

⁷Ai làti kaningu-aka ruu kàpanggu hama tuna kulundiha, ku-hawurungu pahimbu pangia ma-kahàna.

⁸Langatàka, ku-hawurungu la mamarau halawàla, hi ku-ngiangu la maràda telangu.

⁹Ku-ngaingatungu pahimbu ngia pa-hangindingu welingu la làpuru dàngu ngilu mbangatu.

¹⁰Pambingu-ya na muhunggu ou MIRI, ba kuita-duya na pa-janggilu, dàngu na riu raü la paraingu.

¹¹Lodu rudungu ba dalaku winggirungu, pawunda ma-akatu hi da-pawiti-nya na riu raü.

¹²La nggi - nggini ningu pa-kabungu; na pa-kapidihu dàngu na palapingu na-mehangu limana la parànggangu.

¹³Làti jàka muhu ma-paaka-ngga, peku patoru-nggunyapa. Làti jàka papaya na ma-pawawa-ka, peku kawiningu-nggu welingu lai nyuna.

¹⁴Tàka hi nyumu biai, angu làngginggu, angu mbuhanggu, kandua hàmu etinggu ma-kaleka-ngga nyungga.

¹⁵Àmangu nahàmu na palongga maingunda, dàngu kàli angu-manda ba lumungu la Umana i Miri.

¹⁶Màta dameti harabàndangu da muhunggu ka dapuru kaluringu la pangia tau meti, nadu na akatu na-ngiangu la umada, la hongada nyuda.

¹⁷Tàka nyungga duku kuwara-nya i Ala, i MIRI napa na-pahàla-ka.

¹⁸La lodu dàngu la rudungu ku-padudurungu ba kuhii, hi narongu-ka Nyuna.

¹⁹Na-pamara-ka welingu la hànjalu-nangga muhu, da mapaju - jurungu pa-ndubaku-ka.

²⁰I Ala na ma-pareta weli nungu, napa narongu-ka hi na-pakàku-ha nyuda. Ba nda dabihu pa-panjilungu, dàngu ba nda da-mangàdatu-nya i Ala.

²¹Na angunggu làti la mangilu na-hànjalu-ha da anguna, napànda-ya na njanjina.

²²Na kareuku-na na-minangu na-pamandangu, tàka la etina ma-karaü juaya. Na paniina dira malijangu-ya, tàka na-pahàka hama tuna hapanda dàkaya.

²³Huharu-nya na mangginggitu-mu lai MIRI, napa natula-nggau; ba ndedima namàta-nya na tau pa-deningu ka pakàku-ya.

²⁴Tàka Nyumu, ou Ala, napa mutòku-nja nyuda la lambongu ma-majolungu halawàla. Da ma-palapingu dàngu da ma-pameti tau nda datoma-a la beri mandua ndaungu lurida. Tàka nyungga duku kupawai lai Nyumuma.