Read Kambera PAMALANGUNGU 57 Bible Online

PAMALANGUNGU 57 - Kambera bible

PAMALANGUNGU 57

¹Nduma ma-kapipi tau maludu. Pa-namatungu la wiliku: Àmbu pamolungu. Pamalangungu-na i Ndautu, ba napalai la liangu, ba jiaya napalai-na la kubu liangu ka hinggilu-nya i Haulu.

²Milangga eti, ou Ala, mila kingga eti, ba lai Nyumu ku-handera ningu. La lumbu ruu kàpamu ku-kawiningu, hi lupa na-pànjangu na làpuru ma-pauraku.

³Kuwara-nya i Ala Hupu Majangga; lai Ala ma-patoma-ya na pa-patoma wàngguka.

⁴Welingu la awangu na-hemaka dàngu na-pahàla-ka; na-pakàku-ha da tau ma-kapidihu-ka. I Ala na-paloha-nya ba na-patundungga, dàngu ba naingu mbuha-nangga.

⁵Na-nggupulu-ka muhu, nyuda hama tuna hinga mahoba tauha. Da ngànduda hama nimbu dàngu panaha, da làmada hama hapanda dàkaha.

⁶Ou Ala, pa-itangu-ya na bokulu-mu la awangu, dàngu na mangarangu-mu la nggubulu pinu tana.

⁷Da muhunggu dabata-ngga hiru, hi dabota-ya na ringgitu-nggu. Daàki-ngga lambongu la àndanggu, tàka nyuda wiki biai ma-kanabu lai nu.

⁸Na-màndungu na pawainggu, ou Ala, na-màndungu-ma na pawainggu, napa kuludu dàngu kuwotu-nggau.

⁹Hadangu-wa ha hamangu-nggu! Hadangu-wa ha jungga karia lamba dàngu jungga! Ka benginya na pabarahu wànggu.

¹⁰Ou MIRI, ka ku-pamalangu-nya wànggunggau la honga ba - banjaru-ka. Ku-rinjungu paludu wotunggau la honga tau pinu tana.

¹¹Nadu na pa-namungu-mu na-bokulu natoma la awangu, dàngu na tuturu-mu natàka la karumangu.

¹²Ou Ala, paitangu-ya na bokulu-mu la awangu, dàngu na mangarangu-mu la nggubulu pinu tana.