Read Kambera PAMALANGUNGU 58 Bible Online

PAMALANGUNGU 58 - Kambera bible

PAMALANGUNGU 58

¹Nduma ma-kapipi tau maludu. Pa-namatungu la wiliku: Àmbu pamolungu. Pamalangungu-na i Ndautu.

²Ha nyimi ma-kawaha[30]-ka, namola na botangu-mi? Ipa-deningu bai patanda-nya ngerana na tau?

³Ndia-a, ma-akatu-ya na pawuku-mi, dàngu pa-janggilu-ya na pawunda-mi la tana yiana.

⁴Na tau akatu mbàda njàrangu-manaka piti welingu ba la kambu-i-yapa mbàda palapingu manaka piti welingu ba nadedi.

⁵Nyuda ularu pa-upahungu, dàngu da kawanga hama tuna kataru mbana

⁶na manda patingi-nya na nggoru mini pawangu mapingu, jàka ndia na nggoru mini hamayangu ma-manyàmungu.

⁷Ou Ala, pataha da ngànduda, butàha da uli kamboka hinga nuda, ou MIRI.

⁸Màta ka da-munangu hama tuna wai ma-hangolungu, hama tuna ana pana ma-kandubalu.

⁹Màta ka hama kuka ma-njànyaru wai ilu-naha, hama tuna anarara mameti ba ndedi da ita maharii.

¹⁰Nda pambuti-nja ba mbàda maudaka, hama tuna jemi kanguraku mandedi matua ba dambuta la hawuru ngàndi-naha ngilu ba beri mapu metiha.

¹¹Na tau pa-deningu na-hawola ba naita-ya ba hukunya na tau akatu, dàngu nabaha wihina la wai ria tau katadaku.

¹²Dapanii da tau, “Tuba-mana na tau hàmu ba na-ngalangu wunda hàmuna, langatàka, ningu Ala ma-patandangu ngera la pinu tana,” wàda.